Basha: Ja pse protestojmë më 26 maj me shumicën e shqiptarëve

Kryetari i PD-së, Lulzim Basha, përkujtoi përmes një komenti në rrjetet sociale Revoltën në burgun famëkeq të Qafë Barit. Basha shkruan se revolta në burgun e Spaçit dhe ajo në Qafë Bari gjatë kohës së diktaturës duhet të shërbejnë për të bashkuar shumicën e shqiptarëve në protestën e 26 majit të opozitës, për një Shqipëri pa krim, drogë, ministra të lidhur me bandat dhe një kryeministër që mbron hapur të keqen.

Komenti i Lulzim Bashës

11 vite pas kryengritjes se Spacit qe ngjalli shprese dhe i dha kurajo njerezve, nje tjeter akt heroik ne nje tjeter burg famekeq ndodhi, Revolta e Qafe Barit.

Te denuarit politike ngriten krye ndaj shtypesve te tyre. Fale kurajos se tyre mbinjerezore ne Qafen e Barit, si sot 34 vjet me pare u fitua per disa ore liria, per disa ore ra sistemi gjakatar komunist.

Burrat qe kryen keto akte heroike, jane frymezim njerezor dhe atdhetar. Ata kerkuan lirine, ata u ngriten kunder padrejtesise brenda burgjeve mizore.

Ne shembullin e guximit te tyre te pashoq, do te bashkohen te shtunen shumica e shqiptareve qe e duan vendin pa krim, pa droge, pa ministra te lidhur drejtperdrejt me bandat, pa nje kryeminister qe mbron hapur te keqen.

Me keto shembuj te heroizmit dhe atdhedashurise, ju ftoj te bashkohemi te shtunen me 26 maj, ne oren 11 ne Tirane, te gjithe bashke ne protesten kombetare ngrihemi kunder padrejtesise, kunder qeverise se lidhur me krimin, per Shqiperine si gjithe Europa.