Video/ Urimi, Lulzim Basha: Gëzuar, Për shumë vjet Pashkët!

Nga njëri prej vendeve më të shenjta për besimtarët e Krishtit dhe për të gjithë shqiptarët, Kisha e Shna Ndout në Laç, Kryetari i Partisë Demokratike , Lulzim Basha duke uruar Pashkët të gjithë besimtarëve katolikë e ungjillorë, dhe të gjithë shqiptarëve, tha që kjo ditë e ngjalljes së Krishtit le të jetë dita e kur Zoti të ndriçojë rrugën e bashkimit për ta çliruar Shqipërinë nga padrejtësitë:

“Gëzuar! Për shumë vjet Pashkët”. Kjo ditë e ngjalljes së Krishtit, në të cilën sot, nga kisha e Shna Ndout lutem për të gjithë bashkëqytetarët e mi, në veçanti, për ata më në nevojë, për të vobekëtit, për të sëmurët dhe familjarët e tyre, për ata që vuajnë padrejtësitë. Lutem që kjo ditë e ngjalljes së Krishtit të jetë dita e ngjalljes së shpresës dhe besimit tek paqja dhe e nesërmja e sigurtë, nën drejtimin e Zotit fuqiplotë,” tha Kryetari i Partisë Demokratike në urimin për të gjithë shqiptarët, kudo ku janë.

“Zoti të na e ndriçojë rrugën e bashkimit, bashkimit kundër padrejtësive, për ta çliruar Shqipërinë nga padrejtësitë, për t’u bashkuar të gjithë si vëllezër e motra, nën Perëndinë, nën Zotin, në këtë ditë të ngjalljes së Krishtit dhe ngjalljes së shpresës, për një Shqipëri të paqes, për një Shqipëri të së ardhmes më të mirë për çdo familje, për çdo shqiptar dhe për të gjithë bijtë, vogëlushët e shqiptarëve.

Zoti e bekoftë Shqipërinë,” thekson në urimin e tij për të gjithë besimtarët e Krishtit, gjithë besimtarët katolikë, në veçanti gjithë shërbëtorëve të Zotit, në gjithë dioqezat në Shqipëri, anembanë kombit shqiptar e në diasporë, Kryetari i PD, Lulzim Basha duke përfunduar:

Gëzuar të gjithë besimtarëve ungjillorë, gëzuar të gjithë shqiptarëve.

Gëzuar, Për shumë vjet Pashkët!