Holanda, magazina online e abuzimit seksual me fëmijët

nga Ermal Ngjelina

Holanda rezulton të jetë vendi kryesor i hostimit/magazinimit on line të pamjeve të abuzimit seksual me fëmijët sipas Raportit të fundit të Internet Watch Foundation. Ajo përfaqëson në shifra 4 fishin e vendit të dytë. Raporti përmbledh aktivitetin kriminal që ekspozohet në internet në të gjithë botën dhe është për vitin 2018.

Internet Watch Foundation është një organizatë jo fitimprurëse e mbështetur nga Komisioni Europian dhe nga kompanitë e internetit në mbarë botën. Ata kanë 23 vite që kryejnë këtë detyrë dhe bashkëpunojnë me agjencitë ligjzbatuese dhe qeveritë e vendeve të ndryshme. Zona e vëzhgimit mbulon 25 vende dhe marrin raportime konfidenciale nga individët.

Në raport përfshihen edhe histori të vërteta të fëmijëve dhe eksperiencat e tyre të abuzimit seksual.

Në vitin e kaluar janë vlerësuar pothuajse 230 mijë raporte nga të cilat 105 mijë URL/adresa uebi janë konfirmuar si imazhe dhe video të abuzimit seksual me fëmijët.

Në Raportin Internet Watch Foundation, renditen dhe vendet kryesore ku hostohen/magazinohen webet që përmbajnë abuzim seksual me fëmijët.

Në 5 vendet kryesore renditen, Holanda, Shtetet e Bashkuara, Sllovakia, Federata Ruse dhe Franca. Në shifra Holanda përfaqëson 4 fishin e vendit të dytë me 47% të totalit të hostimeve për vitin e kaluar, SHBA 12%, Rusia dhe Sllovakia 11% ndersa Franca 6%.