Zyrtare/ Në Aeroportin e Rinasit u grabitën 6 milionë euro!

Plot 22 ditë pas grabitjes që ndodhi në Aeroportin e Rinasit, Prokurorisë së Krimeve të Rënda i ka mbërritur përgjigjia zyrtare nga 3 bankat e nivelit të dytë të cilat konfirmojnë se janë grabitur rreth 6 milionë euro.

Për grabitjen e miliona eurove në Rinas deri më tani janë arrestuar Elton Pikli, Oltjon Veseli, Alkond Bengasi, Renaldo Sula dhe Saimir Çela dhe Ragip Hajdini. Asnje leke nuk është gjetur.

Grabitja ndodhi më 9 prill në Aeroportin e Rinasit dhe në ndjekje e sipër policia vrau Admir Murataj të cilin e konsideron si kreu i bandës kriminale që grabiti thasët me miliona euro në momentin kur ishte bërë transferimi në barkun e avionit të linjës Tiranë- Vjenë.