“Presioni për taksën”/ Përgjigjet Edi Rama, për gjërat që nuk u shqetësua njeri. Heshtje për…

Samiti i Berlinit ishte një dështim i turpshëm për shqiptarët ndonëse përfaqësoheshin me dy Kryeministra dhe një President, dhe sot shpiken përplasje që nuk i hynë njeriu në punë.

Kryeministri Edi Rama nuk përgjigjet para shqiptarëve pse Shqipëria nuk do të çel negociatat me Bashkimin Evropian, por i përgjigjet Ramush Haradinajt për një refleksion pa lidhje të Kryeministrit të Kosovës.

Kryeministri i Kosovës Ramush Haradinaj, ndonëse e ka të qartë se opinioni kosovar është i mirëinformuar për kërkesën e SHBA për pezullimin e taksës ndaj mallërave serbe, na zbulon një burim të ri presioni për heqjen e taksës edhe pse kjo nuk ka lidhje me realitetin. Dhe i akuzuari përgjigjet!

Ramush Haradinaj tha se më shumë kishte presion nga Hashim Thaçi dhe Edi Rama se sa nga Aleksandar Vuçiç! Se çfarë rëndësie kanë këta të tre protagonistë të gjithë e dijnë por e keqja më e madhe është se vetë Haradinaj është bindur se ai po mbanë taksën ndaj mallërave serbe.     

Ndërkohë Edi Rama që i shmanget përgjegjësive edhe ndaj qytetarëve që e kanë votuar, i jep leksione morali Ramush Haradinajt duke e mohuar pastaj se i ka kërkuar heqjen e taksës, por ka sugjeruar shikimin e mundësisë për ta pezulluar atë për një periudhë 4 apo 6 mujore.

“Si rregull udheheqesit nuk i komentojne ne publik bisedat mes tyre e sidomos ato informale, aq me teper pa rene dakord paraprakisht dhe lere pastaj t’i shtremberojne, duke genjyer per te dale “burra te mire” para popullit te tyre, si te ishin duke shitur mish ne pazar. Me vjen sinqerisht keq qe miku im Ramush, nuk e ka mesuar ende kete rregull kaq te thjeshte, megjithese normalisht ky s’eshte as ndonje rregull udheheqesish ne fakt, po nje norme elementare mirekuptimi njerezor. Nuk eshte hera e pare qe e ben, po eshte hera me e gabuar dhe prandaj kete here, s’e kaloj dot ne heshtje si te tjera,” thotë Edi Rama në reagimin e tij përmes rrjetit social Facebook, njeriu i cili vetëm për moskomentimin në publik të bisedave mes tyre nuk shquhet. Këtë e dëshmon edhe broçkullat që i dalin nga goja për Lulzim Bashën në takimet e tij idioteske “Bashkia që Duam”!

Dhe e keqja e dytë e madhe është se si Ramushi ashtu dhe Edi Rama mendojnë se mund të ndikojnë në heqjen jo të taksës ndaj mallërave serbe. Kështu dhe Edi Rama mbi të gjithë rrëfimin e pakuptimtë të Ramush Haradinajt e pranon se i ka kërkuar atij pezullimin e taksës:   

“Askush s’i ka bere Ramushit presion ne Berlin per te hequr taksen. Une jo e jo. Madje askush as i’a ka kerkuar hiç qe ta heqe taksen! Une jo e jo. Perkundrazi.

Kancelarja Merkel dhe Presidenti Macron, kane nxitur nje diskutim informal ne holl mbi rifillimin e dialogut. Kam nderhyre vetem njehere, duke thene se ata duhet te hynin vete ne proces. Me tutje i kane kerkuar me shume durim dhe disa here Ramushit jo ta heqe taksen, po thjesht te jape pelqimin qe taksa te pezullohet perkohesisht, per 6 muaj apo edhe per 4 muaj qofte, duke u zotuar qe te hyjne ne procesin e dialogut Kosove-Serbi ata vete. Edhe te dy personalisht, kancelarja dhe presidenti!”

Përgjigjen Edi Rama nuk e mori nga nga Ramush Haradinaj por nga njëri prej deputetëve të AAK-së, Muharrem Nitaj, por në gjithë këtë konsum kot të energjisë, shqiptarët dalin më të zgjuar: Kryeministri i Kosovës ashtu siç e mori lavdinë për vendosjen e taksës ndaj mallërave serbe, kjo lavdi mund ti bëhet nul në mënyrë të turpshme vetëm nga veprimet e tijë.

Foli apo nuk foli Edi Rama pak rëndësi ka, ashtu si edhe Hashim Thaçi, por Ramush Haradinaj kurrë në asnjë çast nuk duhet të harroj se në krye të Qeverisë së Kosovës nuk është si shërbëtor i Popullit të Kosovës sepse nuk e ka votuar, por si shërbëtor i Partisë Demokratike të Kosovës që ka një Kryetar dhe nuk quhet as Hashim dhe as Edi, por Kadri Veseli. Nëse këta bashkëpunëtor që i ushqejnë reputacionin me statuse në Facebook nuk e sqarojnë Ramush Haradinajn, ai ka punët keq!

Në fund, Ramush Haradinaj dhe Edi Rama deri sa të sajojnë përplasje kot duhet të sqarojnë popullin, I pari çfarë ndodhi me kufirin me Malin e Zi kur dje ishte I shenjtë dhe sot u shit, dhe I dyti pse nuk u çelen negociatat me BE-në.

Reagimi i plotë i Edi Ramës:

Si rregull udheheqesit nuk i komentojne ne publik bisedat mes tyre e sidomos ato informale, aq me teper pa rene dakord paraprakisht dhe lere pastaj t’i shtremberojne, duke genjyer per te dale “burra te mire” para popullit te tyre, si te ishin duke shitur mish ne pazar. Me vjen sinqerisht keq qe miku im Ramush, nuk e ka mesuar ende kete rregull kaq te thjeshte, megjithese normalisht ky s’eshte as ndonje rregull udheheqesish ne fakt, po nje norme elementare mirekuptimi njerezor. Nuk eshte hera e pare qe e ben, po eshte hera me e gabuar dhe prandaj kete here, s’e kaloj dot ne heshtje si te tjera.

Askush s’i ka bere Ramushit presion ne Berlin per te hequr taksen. Une jo e jo. Madje askush as i’a ka kerkuar hiç qe ta heqe taksen! Une jo e jo. Perkundrazi.

Kancelarja Merkel dhe Presidenti Macron, kane nxitur nje diskutim informal ne holl mbi rifillimin e dialogut. Kam nderhyre vetem njehere, duke thene se ata duhet te hynin vete ne proces. Me tutje i kane kerkuar me shume durim dhe disa here Ramushit jo ta heqe taksen, po thjesht te jape pelqimin qe taksa te pezullohet perkohesisht, per 6 muaj apo edhe per 4 muaj qofte, duke u zotuar qe te hyjne ne procesin e dialogut Kosove-Serbi ata vete. Edhe te dy personalisht, kancelarja dhe presidenti!

I kam sugjeruar Ramushit ne dy momente ta pranoje kete kerkese te tyre, sepse kam menduar dhe mendoj qe perfshirja direkte ne nivelin me te larte e Gjermanise dhe Frances, boshtit te Bashkimit Europian, u shfaq si nje mundesi e re dhe shume e favorshme per ta shtruar çeshtjen e finalizimit te dialogut, ne nivelin me te larte te mundshem.

E kam mbeshtetur dhe e mbeshtes edhe sot taksen si nje “klithem” te Kosoves, qe ta degjoje bota dhe si te tille edhe e kam mbrojtur, kudo e me kedo. Po une di qe ajo eshte nje takse qe i eshte vene Serbise, jo nje mur qe i eshte vene Gjermanise, Frances apo SHBA, per t’i ndaluar ta ndihmojne e ta mbeshtesin Kosoven, ne rrugen e perpjekjes se mundimshme historike drejt njohjes perfundimtare nga gjithe bota. Dhe kur keta aleate te medhenj dhe te pazevendesueshem dot nga askush e askurre (pa te cilet jo Ramushin, po as Kosoven dhe te drejten e saj njeqind vjet te mohuar s’do ta njihte kurrekush ende sot), kerkojne thjesht pezullimin e perkohshem te takses, ne menyre qe te mund ta ndihmojne e ta mbeshtesin Kosoven drejt njohjes se saj te plote nderkombetarisht, refuzimi eshte i pakonceptueshem per mua.

Shtoj ketu se me ka mbetur gozhde fakti qe miqte e medhenj, hasen ne nje refuzim te pashpjegueshem edhe kur propozuan qe perkunder pezullimit te perkohshem te takses, nese ne fund te muajve te dialogut nuk do te arrihej objektivi final i nenshkrimit te paqes, atehere do t’i hapej perfundimisht rruge liberalizimit te vizave per Kosoven(!).

Gjithesesi, meqe Ramushi u qa publikisht se une i paskesha bere me shume presion se sa Vuçiçi per heqjen e takses, mua s’me mbetet tjeter vecse te ngushellohem me faktin qe pas samitit edhe Vuçiçi, u shpreh publikisht ndaj meje po aq i palumtur sa Ramushi. S’kam dashur dhe s’dua te hyj asnjehere ne polemika publike me askend ne Kosove, aq me pak me kryeministrin e Kosoves. Uroj qe te mos jem i detyruar ta bej perseri. Ai ka te drejten e tij te flase ne emer te Kosoves, po mua s’ma heq dot askush te drejten te flas per Kosoven.