Aksident i rëndë, 1 i vdekur dhe 2 të plagosur…
Një aksident i rëndë rrugor ka ndodhur në aksin Peqin-Elbasan.
Ngjarja ka ndodhur pak minuta më parë ku dy automjete janë përplasur në kryqëzimin e Gjocajt dhe për pasojë kanë mbetur të plagosur tre persona.
Të plagosurit janë dërguar me urgjencë drejt spitalit të Peqinit por njëri prej tyre, si pasojë e plagëve të marra ka ndërruar jetë rrugës.
Identiteti i viktimës nuk dihet ende, ndërsa dy të plagosurit janë identifikuar si Ismail Hoxhallari dhe Gëzim Braho nga Korça.
Grupi hetimor ndodhet në vendngjarje dhe po punon për zbardhjen e shkakut të aksidentit.
