Unaza e Re/ Protesta, i bllokojnë rrugën Edi Ramës, përplasje me policinë. Shoqërohen banorë dhe deputetë…
Banorët te Unaza e Re dhe Ish-Deputetë të Partisë Demokratike protestaun sot duke i bllokuar rrugën Kryeministrit Edi Rama i cili do të kalonte aty drejt Fabrikës së Miellit për një ceremoni përurimi.
Banorët jnë përplasur me policinë e cila ka synuar të mbajë rrugën hapur.
Në vendngjarje, ashtu si edhe në qytetet tjera ku kohët e fudnit duhet të kaloj Edi Rama, zbarkuan Forcat e Ndërhyrjes së Shpejtë dhe ato të repartit “Shqiponja”. Pas kërkesës së tyre për të liruar rrugën dhe refuzimit të banorëve situata degardoi në përplasje dhe dhunë policore, ku nuk u kursyen as deputetët.
Ish-Deputetja e PD, Orjola Pampuri ,tha se protesta ishte paqësore dhe se policia e urdhëruar nga Kryeministri po dhunon qytetarët.
“Ishte një protestë paqësore. Ku shkel ky palo kryeministër?! Kë dhunojnë?! Këta qytetarë që ruajnë prej 6 muaj shtëpitë e tyre këtë rrugë. Edhe policët, po tu cënohej shtëpia minimumi do bëhej kështu. Hodhën gaz lotsjellës. Thjesht banorët donin ti prisnin rrugën Kryeministrit i cili vetëm burrë nuk është,” tha deputetja Pampuri.
“Na shtyne, na dhunuan dhe na hodhën gaz lotsjellës. Turp tu vijë,” tha e indinjuar një protestuese pasi dy banorë humbën ndjenjat dhe pas më shumë se gjysmë ore erdhi ambulanca, ku dhe një banore tjetër shtoi:
“Kemi 25 vite që jetojmë këtu, Aty janë bërë pallatet dhe u janë dhënë kompensim, ne të dalim në rrugë të madhe nuk mund të ndodhë.”
Ndërkohë policia ka shoqëruar në Komisariat 5 persona dhe Ish-Deputetin e PD, Klevis Balliu.
Sekretari i Përgjithshëm i Partisë Demokratike, Gazment Bardhi, shoqërimin e Ish-Deputetit të PD, Klevis Balliut, e quajti hakmarrje të pastër politike:
“Edi Rama është në ditët e tij të fundit dhe përdor policinë kundër popullit,” tha Gazment Bardhi duke sqaruar veprimin e policisë dhe si ndodhi ngjarja:
“Sot në burg duhej të ishin ata që me projektin korruptiv tentuan të vidhnin të paktën 20 milionë euro. Klevis Balliu ka qneë në mbështetje të banorëve,” tha Sekrteari i Përgjithshëm i PD ndërsa banorët protestues të cilët protestën e zhvendosen nga Unaa e Re tek Komisari Nr.6 aty ku u shoqëruan 5 persona mes të cilëve edhe Ish-Deputeti i PD, Klevis Balliu, kërkojnë lirimin e tyre:
“Kemi dalë për shtëpitë tona. Duam mundin dhe djersën. Zaptues dhe hajdut është Edi Rama, ne e kapëm duke vjedhur. Kemi 7 muaj në protestë dhe ende nuk vjen të na takojë. Ne nuk e lirojmë rrugën derisa ta dalin nga komisariati ata që u shoqëruan,” tah njëri prej proestestusve, gjë që u miratua edhe nga turma e mbledhur para Komisariatit Nr.6.
