Pasi opozita la mandatet/ Basha nga Kamza: Aktet e miratuara nuk do të njihen!

Asnjë akt i ndërrmarrë pasi opozita la mandatet nuk do të njihet nga ne,
tenderat që janë firmosur pas djegies së mandateve do të çohën para drejtësisë, tha Kryetari i Partisë Demokratike, Lulzim Basha, prej aty ku Edi Rama nisi Apartaeini për tu shtrirë në të gjithë Shqipërinë.

“Rama e vuri Kamzën në një karantinë për hakmarrje politike. E goditi duke u hequr ndihmën ekonomike 90 % të banorëve, e goditi duke ngritur procese të montuara ndaj kryetarit të Bashkisë, e goditi duke blerë mercenarë, por nuk ia doli. Aparteidi nisi në Kamëz, por u shtri në të gjithë Shqipërinë. Demokratë e socialistë kanë të njëjtat halle, ndajnë të njëjtin hidhërim, ndjejnë kolapsin, papunësinë dhe pasigurinë. Kjo se Edi Rama e ka kthyer Shqipërinë në çifligun e tij, ndaj na i ka mbyllur dyert Evropa,” tha Lulzim Basha duke shtuar se Rama flet për Evropën, por e ka frikë Evropën, sepse aty s’ka vend për hajdutërinë, stilin dhe mënyrën e qeverisjes së Edi Ramës.

Por orët e shtypjes dhe arrogancës po numërohen mbrapsht:

“Ta ndalim makthin e organizatës kriminale të Rilindjes. T’ia bëjmë të qartë demokratëve e socialistëve se orët e shtypjes e arrogancës po numërohen mbrapsht se mbrapsht po numërohet ora e Ramës kryeministër dhe e qeverisë së lidhur me krimin.”

12 javë s’janë shumë në kalendarin e një kombi, apo në kalendarin politik të një shteti, tha lideri i opozitës para qytetarëve të Kamzës, por këto 12 javë kanë shndërruar fatin politik të vendit, kanë ndalur përparimin e të keqes në çdo vatër shqiptare dhe kanë ndezur dritën e shpresës:

“12 javë më parë, askush nuk mund ta imagjinonte se pas një gjumi të gjatë letargjik, edhe ndërkombëtarët do ta kuptonin e do t’i vinin veshin opozitës dhe protestës së saj. Sot pas 12 javësh ju them se gjysma e punës është kryer dhe ju them se Shqipëria do të ketë zgjedhje të ardhshme parlamentare. Në këto orë që flasim, të korruptuarit po vijojnë të zhytur me kokë të firmosin tenderat e fundit. Mesazhi im është: E di se e keni kuptuar se anija juaj po fundoset dhe po zbatoni sloganin të kap ça të kapësh. Por cdo firmë që lëshoni do të jetë objekt i drejtësisë, asnjë hap i hedhur nga parlamenti, pas djegies së mandateve të opoztiës nuk do të njihet,” tha Basha duk i bërë thirrje të hapin sytë e të mos zbatojnë aktet e paligjshme të një parlamenti të paligjshëm.

“Ju kujtoj precedentin e Nurnbergut, ju sdo të mund të fshiheni dot pas justifikimit se ashtu është ligji, sepse ai është antiligji. “

Në vijim Basha rikujtoi mesazhin e fundit ndërkombëtari cili ishte shumë i qartë, se zgjedhje pa dënuar vjedhësit e zgjedhjeve nuk ka negociata:

“Hapja e negociatave, hapja e rrugës drejt Evropës, që është objektivi më i rëndëisshëm i demokratëve shqitparë sot kërcënohet qartë jo vetëm nga krimi dhe korrups i Edi Ramës, pandëhskueshmëria e tij dhe e ministrave të tij, por sic e kanë thënë 2 ditë radhazi, dy persopnalitete më me peshë të Bundestagut, pa shkuar në burg ata që vodhën votat e 2017 nuk ka hapje negociatash.”

Nuk mund të rri pa folur për fatin e të rinjve dhe për plagën e emigracionit, tha Kryetari i Partisë Demokratike sot kur 500 mijë qytetarë janë larguar, 360 mijë kishin aplikuar për Lotarinë Amerikane dhe shumë familje shqiptare kanë ikur në emigracion në fillimvitet ’90.

“Ne u jemi shumë mirënjohës atyre, por a ka kuptim që pas 30 vitesh të gjendemi në të njëjtat pozita? Kthimi i të rinjve në vendin tonë është plotësisht e mundur, por dyert e Evropës për ne do të çelen kur drejtësia të ketë një standard, jo dy standarde, dyert do të çelen, kur qeveria ta ketë lidhur fatin me qytetarin dhe jo me kriminelët.

“Ndaj beteja jonë është beteja e çdo shqiptari. Nesër në orën 18 e 30 në Bulevardin Dëshmorët e Kombit,” tha në fund Kryetari i Partisë Demokratike, Lulzim Basha, duke u zotuar para qytetarëve të Kamzës se Shqipëria do të ketë zgjedhje të lira dhe të ndershme ndërsa pëfundoi:

“Asnjë akt i ndërrmarrë pasi opozita la mandatet nuk do të njihet nga ne. Hapja e rrugës drejt Europes, që eshte synimi kryesor i çdo demokrati po cënohet rëndë. Dyert e Europës do të çelen kur të largojmë qeverinë e bandave, kur Qeveria të ketë lidhur fatin vetëm me qytetarët.”