Përplasje apo Zgjidhje politike/ 31 Maji, Dita e Gjykimit!

Pas përfundimit të protestës së opozitës, Kryesia e Partisë Demokratike e kryesuar nga kryetari Lulzim Basha ka vendosur që protesta e ardhshme kombëtare të zhvillohet më 31 Maj.

Mbrëmjen e sotme shumë nga qytetarët pjesëmarrës në protestë ngelën të habitur nga mbyllja e papritur e protestës, por vendimi për mbajtjen e protestës kombëtare më 31 Maj, pas deklaratës së Kryetarit të Partisë Demokratike, Lulzim Basha se ka ardhur koha për zgjidhje politike, sqaron gjithçka.

Kur dihet se më 31 Maj fillon zyrtarisht dhe fushata elektorale e Edi Ramës me rilindjen e tij për zgjedhjet e 30 Qershorit, atëherë ky është përfundimisht edhe fundi i zgjidhjes së krizës politike me ose pa dëshirën e Kryeministri Edi Rama.

Ndryshe, në fund protestës, Kryetari i Partisë Demokratike, Lulzim Basha, kishte dhe mesazhin e fundit për Kryeministrin Edi Rama:

“Sot japim këtë mesazh të qartë dhe të vendosur. Këtë betejë e nisëm për Shqipërinë si gjithë Evropa dhe tani është koha për zgjidhjen politike, largimin e Edi Ramës, qeveri tranzitore dhe zgjedhje të lira dhe të ndershme.”