Zgjedhjet në BE/ Parlamenti i djathtë Europian 2019-2023, ja rezultatet…
Zgjedhjet më të mëdha parlamentare në botën perëndimore përfunduan. Me pjesëmarrje prej 51 % është shënuar edhe rekordi i 25 viteve të fundit, ndërsa e djathta në vendet si Itali, Hungari, Francë dhe Britani të Madhe ka filluar festën.
Rezultatet paraprake tregojnë se Partia Popullore Europiane ka arritur të marrë 178 ulëse ndërsa tri grupimet populiste dhe të ekstremit të djathtë kanë arritur të marrin 171 ulëse në Parlamentin Evropian me 751 ulëse.
Parlamenti i djathtë Europian 2019-2023 do të jetë edhe me një deputete shqiptare. Fjala është për Arba Kokalarin e cila ulet në Parlamentin Europian me votat e qytetarëve suedezë. Partia e saj Moderatore mori 17.6 % të të gjitha votave, rezultat ky që i garanton 4 deputetë, mes tyre dhe asaj të shqiptares Arba Kokalari.
Tjetër karakteristikë e këtyre zgjedhjeve është Britania e Madhe ku fitoi Partia për Brexit e Nigel Farageas me 31 për qind para laburistëve që arritën të marrin vetëm 19.1 për qind dhe liberalëve me 18.9 për qind.
Në Itali, e djathta ekstreme Liga ka filluar festën duke e dalë e para me 27-31 për qind të votive ose 6 për qind më shumë se në zgjedhjet e vitit 2014.
“Një fjalë për Italinë: Falemnderit”, ishte mesazhi i Salvinit përmes një fotoje në rrjetin social Facebook.
Për vendin e dytë gara është e ngushtë në mes të Pesë Yjeve me 21.5-23.5 për qind dhe Partisë Socaliste me 22.5-24.5 për qind.
Në Hungari Fidezs me në krye, kryeministrin Viktor Orban mori 13 nga 21 ulëse sa ka ky shtet anëtar në PE ose një më shumë se në vitin 2014. Koalicioni i Ish-Kryeministrit socialist Ferenc Gyurcsanya mori katër ulëse ndërsa Lëvizja Liberale 2 ulëse.
Kryeministri i Greqisë, Alexis Tsipras thirri zgjedhjet e jashtëzakonshme pasi që e majta e tij radikale Syriza pësoi humbje dhe është mbrapa Demokracisë së Re me 8.5 për qind. Mediat greke raportojnë për një fitore të Demokracisë së Re me 32-34 për qind dhe Syrizën me 24-26 për qind.
Fitore që vlenë për tu theksuar janë edhe ato në Francë dhe Rumani. RN e Marine Le Pen me 23.73 për qind është para Republika Përpara të Emmanuel Macron, i cili edhe pse në koalicion me Lëvizjen Demokratike MoDem dhe Agir është në vendin e dytë me 22.47 për qind.
Partia në pushtet pësoi edhe në Rumani. Sipas rezultateve paraprake kemi të bëjmë me një rezultat të barabartë të PSD-së dhe partisë opozitare Partia Popullore Liberale me 25.8 për qind.
Parlamenti Evropian 2019-2024
178 – EPP – Grupi Parlamentar Partia Popullore Europiane
152 – S&D – Grupi Parlamentar Lidhja Progresive e Socialistëve dhe Demokratëve në PE
61 – ECR – Konservatorët Europian dhe Reformistët
108 – ALDE&R –Grupi Parlamentar I Lidhjes Liberalëve dhe Demokratëve për Europë + Renaissance + USR PLUS
39 – GUE/NGL – Grupi Parlamentar Konfederal I përfaqësuesve të së Majtës së Bashkuar Europiane dhe Të majtës së Gjelbër Nordike
67 – Të gjelbërit/ESS –Grupi Parlamentar Të gjelbërit/ Lidhja e lirë Europiane
53 – EFDD – Grupi Parlamentari Europës Lirisë dhe Demokracisë
55 – ENS – Grupi Parlamentar I Europës Kombeve dhe Lirive
7 – NI – Deputetët e pavarur
31 – Të tjerët
Ndryshe, Parlamenti Europian ka 751 deputetë dhe nga viti 2009, në përputhje me Rregulloren e Parlamentit Evropian, një Grup Parlamentar duhet të përbëhet nga të paktën 25 deputetë të zgjedhur në të paktën shtatë shtete anëtare.
