Për herë të katërt/ KE, Hahn: Komisioni rekomandon hapjen e negociatave për Shqipërinë
Komisioni Europian ka rekomanduar për herë të katërt hapjen e negociatave për Shqipërinë.
Ndërsa prezantoi paketën vjetore të zgjerimit, e cila përcakton përparimin që kanë bërë vendet që synojnë integrimin evropian, Komisioneri për Zgjerimin, Jonahes Hahn tha se Komisioni rekomandon që Këshilli të hapë negociata me dy vendet e Ballkanit Perëndimor, Shqipërinë dhe Maqedoninë e Veriut.
“Duhet ti përmbahemi angazhimeve tona” tha Hahn, ndërsa njohu progresin e bërë nga vendi ynë sa i përket reformave.
Shumë sfida mbeten, paketa sot tregon për problemet dhe udhëzimet e unionit. Duhet ti japim mirënjohje komisionit dhe të angazhojmë qëndrimin tonë. Për të dy vendet komisioni rekomandoi hapjen e negociatave vitin e kaluar.
“Shteti ligjor, qëllimi kryesor i politikës së zgjerimit është të eksportojmë stabilitet, është nevojë që Ballkani Perëndimor të bëjë më shumë progres në pajtim, fqinjësi të mirë. Ka sfida kryesore sic është ekonomia, ka ende vështirësi, duhet zgjidhur cështja e papaunësisë,emigracioni i lartë, standardet e jetesës. Është me rëndësi të sigurojnë që cdo akvitet i huaj të garantojë standardet e BE” tha Johannes Hahn.
Ndryshe, duke filluar nga viti 2016 Komisioni Europian ka rekomanduar hapen e negociatave të Shqipërisë me Bashkimin Europian por kjo është refuzuar nga Këshilli Evropian me arsyetimin e njejtë për luftën e munguar të krimit të organizuar dhe korrupsionit si dhe sundimin e ligjit. Tani pritet që Këshilli i BE të marrë vendimin edhe për rekomandimin e katërt të Komisionit Evropian.
