Përgjimet “Bild”/ Ja pse dështoi Marrëveshja 17 Majit: Votat i numëruan Avdylajt, Niçja, Çimi…
Janë bërë shumë insinuata lidhur me shkaqet dhe dështimin e Marrëveshjes së 17 Majit. Por nga përgjimet e gazetës gjermane “Bild” del qartë se Edi Rama nuk bëri vetëm Marrëveshje me Kryetarin e PD, Lulzim Basha sepse nga ana tjetër kishte Marrëveshje me krimin.
Përgjimet dëshmojnë se kreu i bandës kriminale të Shijakut, Astrit Avdylaj, me kreun e Bashkisë Durrës, Vangjush Dakon, si dhe me zyrtarë të Partisë Socialiste kanë prodhuar dhe numëruar vota për rilindjen.
Avdylaj: Si ia çove?
Votues: A je mirë?
Avdylaj: Si je
Votues:: Mirë vllai
Avdylaj: A po më njeh? Ti nuk më njeh mu, por kur thotë do ta jap votën tani nuk e njeh as telefonin
Votues:: Oooo shef Astriti
Avdylaj: Heee, ca bone?
Votues:: A je mirë? Je i mirë për zotin
Avdylaj: Rrofsh edhe ti. Të kam marrë për votën, e din vetë me një fjalë, që mos ti fusi njoni, o Gon Duka, mos ti fusi me një fjalë…(dëgjohen zhurma në sfond). Ne jena për PS, për Ilir Ndranxhin.
Votues:: Unë me të thënë…
Avdylaj: Rrofsh, kur do ta pimë një kafe
Votues:: Kur të dush ere, dëgjo, jo vetëm me ty, me Niçen, me Çimin, unë me ju kam qenë përherë
Avdylaj: Faleminderit shumë
Votues:: Nuk bohet fjalë njëherë
Avdylaj: Edhe desha me fol cik edhe me vëllain tat, me Jarin
Votues:: Me Jarin?
Avdylaj: Po
Votues:: Po, i them unë
Avdylaj: Desha me fol cik dhe me Jarin, po edhe do folim, e kupto vetë ti, se kafja osht. Kur je kohë që ta pishim një kafe
Votues:: Kur të dush
Avdylaj: Unë në shpi jam, nëse do
Votues:: Mirë vlla
Dhe jo vetëm kaq! Pjesë e përgjimeve të publikuara nga “Bild” është edhe ajo e Astrit Avdylajt me vëllanë e deputetit të PS-së, Ilir Ndraxhin.
Gazeta gjermane “Bild” shkruan se kreu i grupit kriminal të Shijakut, Astrit Avdylaj i ka kërkuar kryeministrit Edi Rama përmes Vangjush Dakos, kryebashkiakut të Durrësit, që Ilir Ndraxhi (aktualisht deputet) të vendoset në listën e kandidatëve të të PS në zgjedhjet parlamentare të 2017-ës.
Në bisedën e përgjuar telefonike dëgjohet se si Avdylaj e pyet të vëllain nëse kandidati i mundshëm i PS për deputet ka marrë ndonjë telefonatë nga lart (Rama) për t’u konfirmuar si kandidat i PS.
Astrit Avdyla zotohet se ata do punojnë fort që ta surprizojnë “të gjatin” me një rezultat pozitiv 10 me zero.
Ndraxhi: Tito, të rujt zoti
Avdylaj: Si je, ç’kemi?
Ndraxhi: Mirë
Avdylaj: Ca bohet?
Ndraxhi: Hic o mirë, ja ktu, me cunin, si jeni?
Avdylaj: Asgjë vllai, mirë mo kalojmë vllai, të mora për të pyet a e kanë thirrë gjë, a ndonjë gjë, a akoma?
Ndraxhi: Për ku?
Avdylaj: A i kanë bërë ndonjë thirrje, ndonjë gjë vllait apo jo?
Ndraxhi: Jo mo, ai thotë që do takohen. Ai tha, Juli ka folur dhe do takohen nesër. E mori në telefon mbrëmë dhe i tha do takohen me Ridin, Astritin dhe Julin.
Avdylaj: Po
Ndraxhi: Edhe pastaj do takohen me atë. Po me Gjushin në fakt do takoheshin për punë pune, si nga ana e punës…
Avdylaj: Ehe, ok, ok, ja unë po pres më një fjalë, ja nesër, pasnesër. Ai (Doko) më tha mua . Unë, ne me një fjalë e kena në xhep, si me thënë a e kupton vllain tat?
Ndraxhi: Po, po,
Avdylaj: Ne po presim, ai më tha mua, deri më 25, ishte edhe Eltoni(Arbana) aty, Eltonin e vuni, o të 10 o të 11 i tha Eltonit,
Ndraxhi: Arbanës e? Epo mirë
E kam shumë shumë dhe duhet të jemi shumë të nderuar edhe nga ai siper (Edi Rama) që duhet të na shofi me një kështu…
Vëllai i deputetit të PS Ndraxhi: Po, e vërtetë
Astrit Avdylaj: Do të jap një 10 me 0 (fitore) që edhe ai vetë të habitet (Edi Rama)
Vëllai i deputetit të PS Ndraxhi: Bëji telefon Julit, mos shkoni të pini kafe atje te puna.
Astrit Avdylaj: Mirë, rrob zoti
Vëllai i deputetit të PS Ndraxhi: Ti e ke numrin e Julit
Astrit Avdylaj: Po e kem, a se e bëj vetë pa merak
Vëllai i deputetit të PS Ndraxhi: Shumë faleminderit
Astrit Avdylaj: Asgjënë
Vëllai i deputetit të PS Ndraxhi: Mirupafshim!
Avdylaj jep emrin për kandidat të PS: Po diskutonim…
Në përgjimet e gazetës gjermane “Bild” se si kreu i grupi tkriminal të Shijakut, Astrit Avdylaj, vendos kandidatët për deputetë në listën e PS.
“Astrit Avdylaj, kreu i klanit kriminal ‘Avdylaj’ në Shijak i telefonon kryebashkiakut të Shijakut për të organizuar një takim me të, me Vangjush Dakon, kryebashkiak i Durrësit, dhe me një kandidat të mundshëm dhe deputetin aktual ‘Liri’ (Ilir Ndraxhi), një person që klani kriminal i Avdylajve kërkon të vendoset si kandidat i PS.
Takimi organizohet për të bërë pikërisht këtë: që të finalizohet një marrëveshje që Ilir Ndraxhi do të vendoset si kandidat i PS në Durrës, për të përfaqësuar interesat e klanit kriminal Avdylaj dhe klani Avdylaj do të ofrojë mbështetje të plotë për fushatën e PS në Durrës,” shkruan e përditshmja gjermane “Bild”.
Astrit Avdylaj: Alo!
Ardian Kokomani: Hë mo!
Astrit Avdylaj: Si je kryetar?
Ardian Kokomani: Si ke qenë?
Astrit Avdylaj: Mirë faleminderit, ça po bën?
Ardian Kokomani: Jam akoma këtej, sa kemi mbaru dhe po hamë drekë.
Astrit Avdylaj: Të bëftë mirë! A e di pse të mora unë?
Ardian Kokomani: Po?
Astrit Avdylaj: Nesër kemi një takim në orën 10 të mëngjesit…alo?
Ardian Kokomani: Po, po, të dëgjoj, po.
Astrit Avdylaj: Unë, ti, Gjushi, Liri, vllai i Lirit dhe Jupi. Do pim një kafe nesër në Durrës në orën 10:00. Prandaj të mora sot me një fjalë.
Ardian Kokomani: Atëhere, nesër në 10:00 do jemi 5 minuta te Pallati i Kulturës, se ka vdek Niko Bespalla, ish-futbollisti jonë, shijaksi jonë. Është ceremonia te Pallati i Kulturës dhe takohemi atje.
Astrit Avdylaj: Do takohemi në një kafe, do sjell Paparitin, që të jemi nesër që…më kupton?
Ardian Kokomani: Pa merak pa merak.
Astrit Avdylaj: Se erdhën sot ato, po diskutonim, ishte dhe Juli…e kupton ku e kam fjalën? Ngaqë është edhe ai, që të jesh edhe ti normal, po nuk ishe ti, a më kupton?
Ardian Kokomani: E kuptoj!
Astrit Avdylaj: Alo, ça the?
Ardian Kokomanit: Titi, pa merak them, atje në Durrës rri pa merak, se do jem dhe në ceremoni kshu që rri pa merak.
Astrit Avdylaj: Mirë, prandaj, që do ashtu që të jesh edhe ti me këto më kupton?
Ardian Kokomanit: Po po!
Astrit Avdylaj: Mirë faleminderit!
Ardian Kokomani: Hajt ciao ciao!
