70 vjet, Arkivi Qendror Shtetëror
Drejtoria e Përgjithshme e Arkivave, DPA, festoi 70 vjetorin e themelimit të Arkivit Qendror Shtetëror.
Drejtori i DPA, Ardit Bido duke falënderoi të gjithë punonjësit aktual por dhe ata që kanë lënë gjurmë duke punuar për këtë institucion, foli dhe për rëndësinë që ka Arkivi për një vend.
Dr.Ardit Bido prezantoi së bashku me Drejtorin e Arkivit të Kosovës, Ramë Manaj dhe Drejtoreshën e Arkivit të Ministrisë së Punëve të Jashtme, Pranvera Dibra, dy projektet e mëdha për sa i përket krijimit të godinës së re dhe rikonstruksionit të godinës aktuale të Drejtorisë së Përgjithshme të Arkivave.
Pjesë e rëndësishme e eventit ishte dhe shfaqja e dokumentarit kushtuar 70 vjetorit të krijimit të Arkivit Qendror Shtetëror.
Pjesëmarrës në këtë ceremoni ishin dhe Drejtoresha e Arkivit Qendror Shtetëror të Filmit, Iris Elezi, Drejtori i Arkivit të Forcave të Armatosura, Teki Kurti, Drejtoresha e Bibliotekës Kombëtare, Persida Asllani, Ambasadori i Republikës Arabe të Egjiptit, Mohamed Khalil, Nënkryetari i Bashkisë, Andi Seferi, arkivistë, studiues dhe shumë personalitete të tjerë.
