Pas kërcënimeve të Edi Ramës, Presidenti Meta nesër konferencë të jashtëzakonshme
Pas vendimit për anulimin e datës së zgjedhjeve, 30 Qershorin, dhe kërcënimeve të Kryeministriti Edi Rama për shkarkimin e Presidentit, mësohet se Presidenti i Republikës, Ilir Meta, nesër do të mbajë një konferencë të jashtëzakonshme për mediat.
Konferenca do të mbahet në orën 08:00, ku Presidenti i Republikës pritet të japë arsyetimin për anulimin e Dekretit për zgjedhjet e 30 Qershorit.
Ndryshe, pas kërcënimeve të Kryeministrit nga Burreli se dje Ilir Meta ka shkruar fatin e tij, si një President që e ka humbur të drejtën të qëndrojë në atë zyrë, mediat në shërbim të rilindjes filluan të dezinformojnë publikun me paligjshmëritë që vetëm Edi Rama dhe shpurra e tij i ka për zanat, duke anashkaluar argumentin kryesor në këtë rast, shuarjen e Gjykatës Kushtetuese që u mundësua me shkatërimin që Rama i bëri sistemit të drejtësisë me eskpertët e tij ndërkombëtar, dhe sot po i bie kokës.
Edi Rama me ulsitë, spiropalet dhe vasilikat e tij ndoshta edhe do ta shkarkonte Presidentin e Republikës, por Kushtetua që e ka shkruar me dorën e vet në vitin 2008, pas zhveshjes ekstreme të Presidentit nga kompetencat, e thotë qartë në Nenin 90 Pika 2:
“Presidenti i Republikës mund të shkarkohet për shkelje të rëndë të Kushtetutës dhe për kryerjen e një krimi të rëndë. Propozimi për shkarkimin e Presidentit në këto raste mund të bëhet nga jo më pak se një e katërta e anëtarëve të Kuvendit dhe duhet të mbështetet nga jo më pak se dy të tretat e të gjithë anëtarëve të tij”
Dhe, sikur Ulsiu dhe Vasilika, si mjeshtër tashmë të shkatërrimit të sistemit të drejtësisë, ta sajojnë “shkeljen e rëndë kushtetuese”, dhe dy të tretat e Parlamentit e mbështesin këtë propozim, Neni 90 Pika 3. e Kushtetutës, me ndërhyrjet ekskluzive të Edi Ramës thotë:
“Vendimi i Kuvendit i dërgohet Gjykatës Kushtetuese, e cila, kur vërteton fajësinë e Presidentit të Republikës, deklaron shkarkimin e tij nga detyra.”
Pra, kërcënimi i Edi Ramës mund të përfundoj në shumë mënyra dhe me shumë të papritura por jo në mënyrë Kushtetuese!
