Tryeza e Lëvizjes Vetëvendosje/ Kurti: Haradinaj duhet të jap dorëheqje!

Tryeza e thirrur nga Lëvizja Vetëvendosje ka filluar. Ftesës i janë përgjigjur pothuajse të gjitha partitë politike duke u përfaqësuar nga deputetët dhe përfaqësues politik, me përjashtim të Listës Srpska.

Tryeza po udhëhiqet nga nikoqiri i saj, kryetari i Lëvizjes Vetëvendosje, Albin Kurti, ndërkaq, PDK  po përfaqësohet nga Memli Krasniqi,  LDK nga Agim Veliu, Nisma nga Bilall Sherifi, AAK nga Blerim Kuçi, ndërkaq, Partia e deputetëve të pavarur, Socialdemokratet po përfaqësohet nga Dukagjin Gorani.

Me të filluar tryeza, Albin Kurti ka adresuar kritika të ashpra tek kryeministri i vendit, Ramush Haradinaj, duke kërkuar madje edhe dorëheqjen e tij.

Sipas tij, në këto tryeza duhet diskutuar për zgjedhjet pasi vendi nuk mund të qeveriset nga pakica. Kurti ka thënë se Qeveria ka humb shumicën në Kuvend dhe se Kuvendi është bërë pothuajse jofunksional.

Ai ka përmendur disa veprime të dëmshme që sipas tij ka bërë Qeveria Haradinaj duke përmendur nisjen e statutit për Asocacionin në kundërshtim me ligjet e Kosovësjanë, mashtrimi me vizat, ratifikimi i demarkacionit, faljen e borxheve kompanive…etj.

“Kryeministrit duhet të jap dorëheqje dhe se ai për karrigë është i gatshëm edhe me formu Zajednicen,” tha Kurti duke shtuar se nëse Haradinaj nuk jep dorëheqje duhet ta testojë besimin në Kuvend. E nëse kjo nuk ndodh sipas tij së bashku me partitë tjera do të nisin mocion mosbesimi.

Agim Veliu i LDK kërkoi mbajtjen e zgjedhjeve madje kërkoi që të vendosët edhe për datën e zgjedhjeve.

Ndërsa Blerim Kuçi i AAK-së tha se tryezat janë kthyer në pikën fillestare dhe se ka humbur kuptimi i tyre.”Zgjedhjet e parakohshme nuk është se ka koncenzues nacional”, tha ai.

Tryeza është thirrur nga Lëvizja Vetëvendosje dhe ka për qëllim trajtimin e çështjes së mbajtjes së zgjedhjeve me moton ” Zgjidhja nëpërmjet zgjedhjeve”