Refuzoi fanellën kuqezi, Ajeti mbetet jashtë Zvicrës

Albian Ajeti nuk do të jetë në listën e lojtarëve të kombëtares së Zvicrës, që do të udhëtojnë për në Botërorin “Rusi 2018”.

Albian Ajeti nuk pranoi të vishte fanellën kuqezi të Shqipërisë, ashtu si vëllai i tij, por kaloi te Zvicra.

Edhe shqiptari tjetër i Zvicrës, Mehmedi nuk do të udhëtojë drejt Rusisë. Por situata e tij është krejt e kundërt me atë të Albian Ajetit.

Sipas “Blick”, Mehmedi ka hequr dorë vullnetarisht nga kombëtarja e Zvicrës.

 “Është një vendim i mendjes, jo i zemrës. Thjesht mendoj se e kam vështirë të sjell diçka më shumë për ekipin e Zvicrës, veçanërisht në Botëror. Ndaj po e marr këtë vendim që tani, në mënyrë që të mos bllokoj vendin në kombëtare, duke ia lehtësuar punën trajnerit”, tha 27-vjeçari, Admir Mehmedi.