Seancë plenare/ Kufizimi i Studimit të Krimeve të Komunzimit dhe Koncesionet pritet të kalojnë ndër 23 Pika!

Sot në seancën plenare ku janë parashikuar 23 Pika të Rendit të Ditës, Kryetari i Parlamentit Gramoz Ruçi e filloi me njoftimin se kërkesa e 28 deputetëve për shkarkimin e Arben Malajt nga Këshillit Mbikëqyrës të Bankës së Shqipërisë, i është dërguar Këshillit të Ministrave i cili është kompetentë dhe është që propozon ose jo këtë shkarkim dhe më pas e shqyrton Parlamenti ndërkohë klientët qeveritar presin miratimin e koncesioneve të fundit ndërsa partisë do ti dhurohet denigrimi i Institutit të Studimeve për Krimet dhe Pasojat e Komunizmit në Shqipëri me kufizimin që do ti bëhet periudhës së studimit edhe me ndryshime ligjore.

Me pas seanca vazhdoi me Interpelancën urgjente me ministren e Arsimit, Sportit dhe Rinisë, Besa Shahini.

Ndërsa po në këtë seancë plenare pritet të miratohet Projektligji “Për mbrojtjen civile” ndonëse në Komisionin e Ligjeve mjaft nene ishin të diskutueshme, në veçanti ai i buxhetit për pushtetin vendor.

Pika 9 përfundimisht do të kurorëzohet me një zotim që i është bërë partisë dhe përfundimisht do të kufizohet periudha e studimit të Institutit të Studimeve për Krimet dhe Pasojat e Komunizmit në Shqipëri i cili për shumë pak kohë zbuloi krimet makabre të partisë në pushtet.

Sot e gjitha do të mbyllet me Projektligjin “Për disa shtesa dhe ndryshime në ligjin nr. 10242, datë 25.2.2010 “Për Institutin e Studimeve për Krimet dhe Pasojat e Komunizmit në Shqipëri”.

Pse numër kaq i madh i pikave të Rendit të Ditës?! Kjo sqarohet me PPP-të që janë futur në mes të seancës ndonëse janë shumë të rëndësishme dhe shumë të diskutueshme si ajo e rrugës Orikum-Lllogara, By passi Orikum-Dukat dhe Milot-Balldren.

Ndërkohë statusi i deputetëve dhe prokurorëve si dhe ai i deputetit do ta kalojnë në vorbullën politike të kësaj seance ku pritet të miratohet edhe Projektligji “Për Akademinë e Shkencave të Republikës së Shqipërisë”.