Teatri i ri Kombëtar/ Paralajmërimi, Basha: Ndërtimi do të jetë burgu i tyre!

Pasi Bashkia e Tiranës shpalli zyrtarisht konkursin me të cilin kërkon të shembë godinën e Teatrit Kombëtar dhe Aleanca për Mbrojtjen e Teatrit bëri thirrje për mobilizim për mbrotjen e Teatrit meqë ata e konsiderojnë se Shembja e Teatrit ka filluar zyrtarisht, ka reaguar edhe Kryetari i Partisë Demokratike, Lulzim Basha duke e konsideruar Projektin e Teatrit Kombëtar, projekt kriminal grabitqar i cili ka vetëm një qëllim:

“Grabitjen nga Rama të dhjetëra milionave euro. Njësoj si projekti i stadiumit, ku Edi Rama është pronari i vërtetë i gjysmës tij. Njësoj si projekti i unazës ku Edi Rama do vjedhë miliona euro. Një hajdut psiqik që nuk ngopet pa vjedhur të gjithë Shqipërinë.”

Dua t’i them troç çdo arkitekti të huaj e vendas, çdo funksionari, çdo drejtuesi nga më i parëndësishmi tek Edi Rama, tha Lulzim Basha në paralajmërimin e tij përmes rrjetit social Facebook, se do të përgjigjen para drejtësisë për këtë korrupsion masiv dhe krimin që po i bëjnë pasurive dhe parave publike, ndërsa përfundoi:

“Atyre që mendojnë se do të ndërtojnë, dua t’ju them se ndërtimi do të jetë burgu i tyre. Dua t’u them qartë: gropa që mendojnë se do të hapin në truallin e teatrit do të jetë gropa e tyre.”

Ndryshe, sot Bashkia e Tiranës ka shpallur zyrtarisht konkursin me të cilin kërkon të shembë godinën dhe të grabisë truallin e Teatrit Kombëtar. Pas këtij paralajmërimi Aleanca për Mbrojtjen e Teatrit ka bërë thirrje për mobilizim për mbrotjen e Teatrit pasi nga ana proceduriale, në fshehtësi të plotë, janë kryer të gjitha veprimet formale dhe SHEMBJA E TEATRIT KA FILLUAR ZYRTARISHT!

Ja statusi i plotë:

Projekti i teatrit kombëtar është projekt kriminal grabitqar. Ai ka vetëm një qëllim: grabitjen nga Rama të dhjetëra milionave euro. Njësoj si projekti i stadiumit, ku Edi Rama është pronari i vërtetë i gjysmës tij. Njësoj si projekti i unazës ku Edi Rama do vjedhë miliona euro. Një hajdut psiqik që nuk ngopet pa vjedhur të gjithë Shqipërinë.

Dua t’i them troç çdo arkitekti të huaj e vendas, çdo funksionari, çdo drejtuesi nga më i parëndësishmi tek Edi Rama se do të përgjigjen para drejtësisë për këtë korrupsion masiv dhe krimin që po i bëjnë pasurive dhe parave publike.

Atyre që mendojnë se do të ndërtojnë, dua t’ju them se ndërtimi do të jetë burgu i tyre. Dua t’u them qartë: gropa që mendojnë se do të hapin në truallin e teatrit do të jetë gropa e tyre.