Durrës, Feris Bardhi vritet te dera e shtëpisë. Policia jep detajet…

Një person është vrarë sot në lagjen nr.18 të qytetit të Durrësit.

Mësohet se viktimë e atentatit është 40 vjeçari Feris Bardhi, i cili është qëlluar nga disa persona sapo doli nga dera shtëpisë. Ata thuhet se e kishin pritur para shtëpisë për tu sqaruar.

Policia ërmes një njoftimi paraprak ka bërë të ditur se kanë qenë disa persona të cilët ende nuk janë identifikuar që e kanë plagosur fillimisht viktimën, i cili ndërroi jetë në spital.

Njoftimi i policisë

Më datë 01.08.2019, rreth orës 12:55, në lagjen Nr.18, Durrës, persona të paidentifikuar kanë plagosur me armë zjarri shtetasin F.B.,40 vjeç, banues në Shën Vlash, Durrës, i cili u transportua në Spital ku dhe ka ndërruar jetë.

Në vendngjarje ka shkuar grupi hetimor ku vijon punën për zbardhjen e rrethanave të ngjarjes.

Policia ka ngritur pika kontrolli dhe po punon intensivisht për identifikimin dhe kapjen e autorëve të kësaj ngjarje.