Sërish të shtëna me armë në SHBA, 9 të vrarë e 16 të plagosur në Dayton
Sërish të shtëna me armë zjarri në SHBA me epilog fatal.
Të shtëna me armë zjarri kishte në Ohio ku janë vrarë 9 persona dhe 16 kanë mbetur të plagosur.
Sipas mediave lokale, të shtënat me armë filluan brenda barit “Ned Pappers” i cili ndodhet në qendër të qytetit të Daytonit.
Zëdhënësja e spitalit lokal ka deklaruar për NBC news se në spital janë pranuar 16 persona që mbetën të plagosur gjatë të shtënave me armë zjarri.
Ndërkohë policia e qarkut Dayton ka raportuar se sulmuesi i armatosur, rreth orës 01:22 sipas orës lokale, me armë zjarri ka vrarë 9 persona.
Policia raporton se sulmuesi është vrarë.
Nga bari “Ned Pappers” duke shprehur keqardhje për ngjarjen që ka ndodhur në barin e tyre, theksojnë se po vazhdojnë të mbledhin informacione rreth ngjarjes.
“Personeli ynë është në vend të sigurt. Bashkëndjejmë me të gjithë ata që u përfshinë në këtë ngjarje deri sa po mbledhim informacione rreth ngjarjes,” janë shprehur përmes rrjetit social Instagram nga bari ku ndodhi kjo masakër.
Ndryshe kjo është masakra e dytë me armë zjarri brenda 24 orëve në SHBA.
Dje një sulmues i armatosur në Texas ka vrarë 20 persona dhe ka lënë të plagosur mbi 20 të tjerë.
“Dy sulmues”
#BREAKING: Just getting on scene in Oregon District. Dozens of police here. Working to confirm numbers and conditions on those shot. @dayton247now pic.twitter.com/hKtaoLTJpN
— Molly Reed (@MollyR247Now) August 4, 2019
Në bazë të videove që publikohen në rrjetet sociale nga ngjarja në Ohio, sipas informacioneve të para, është e mundshme që ishin dy sulmues.
Here's a three-part Facebook video from the scene of a shooting that happened in the Dayton, Ohio Oregon district. Video taken by Dougie Doug. 1/3 pic.twitter.com/zTapEqFWXi
— Chad Baker (@ChadBlue83) August 4, 2019
