E vranë me thikë dhe e hodhën në kanal. Kush është viktima…

Mëngjesin e sotëm është gjetur një trup i pajetë në një kanal në vendin e quajtur “Kthesa e Hamilit” në fshatin Sulaj të Fierit. Viktima është identifikuar si Florian Selimi, 23 vjeç, ndërsa 20 metra më larg u gjet edhe një automjet, me te cilin ai udhëtonte tip ‘Renault’ me targa AA 461 EN, me gomë të hequr dhe kofano të hapur.

Nga të dhënat e para dyshohet se automjeti që drejtonte i riu ka pësuar defekt, ndërsa ngjarja ka ndodhur pas një konflikti që mund të ketë pasur mes autorit dhe viktimës. Ende nuk dihen rrethanat apo shkaqet e kësaj ngjarje, ndërkohe që policia e Fierit dhe grupi hetimor ka nisur hetimet. Nga informacionet e siguruara, rezulton se 23-vjecari Florian Selimi ka qene person me precedentë të mëparshme penale, për vjedhjen e një automjeti.

Policia dhe grupi hetimor ndodhen në vendngjarje dhe kanë ngritur disa pista hetimi. Në lidhje me ngjarjen janë shoqëruar disa persona.

Njoftimi i policisë:

Sot rreth orës 07:00, në vendin e quajtur “Kthesa e Hamilit” është gjetur pa shënja jete shtetasi F.S, 23 vjeç. Nga veprimet e para hetimore dyshohet se 23-vjeçari ka ndërruar jetë si pasojë e plagës së marë nga goditja me një mjet të mprehtë(thikë), dyshohet gjatë një konflikti. Grupi hetimor po punon për zbardhjen dhe dokumentimin e kësaj ngjarje. Policia ka shoqëruar disa persona dhe po vijon puna për identifikimin dhe kapjen e autorit.