Edi Rama mbi Fushë-Krujë!

nga Agim Popoci

Valdrin Pjetri nuk është bashkëpunëtori rilindas i radhës i Edi Ramës që jeton mbi Fushë-Krujë dhe u konfirmua si kriminel.

Jo, Valdrin Pjetri është pika që derdhi gotën kriminale të cilën e pi  Edi Rama sapo ta kalon Fushë-Krujën dhe deri në Hanin e Hotit e Tropojë.

Ai si piktor nuk njihte njeri të ndershëm në këtë pjesë të Shqipërisë, dhe me të ardhur në krye të partisë kriminale PSSH, atij as që iu afrua një njeri i ndershëm.

Me pasardhësit e kriminelëve komunist bëri përpjekje për rilindjen e partisë për të ardhur në pushtet, dhe ata e bënë mirë detyrën propagandistike kundër Saliut, por për zanat kishin vrasjen dhe jo qeverisjen. Djali i Sulë Bushatit ishte buka dhe gjella e komunistëve shkodranë ashtu si Mimi Kodheli për komunistët mirditorë, por bashkimi i qelbësirave komuniste së bashku me LSI-në filloi të krijoi kokëqarje të mëdha që pengonin në masë të madhe edhe rilindjen e partisë. Ndërkohë në Qarkun e Kukësit dhe Dibrës dështoi në politikë por jo dhe me menaxhimin e pjesës financiare me Safet Gjicin përkatësisht Ymer Lalën. Kjo ishte dhe arsyeja pse u mundua ta zbatoj modelin e  fitores zgjedhore siç bëri me Tiranën! Por, me përjashtim të Ymer Lalës, të gjithë dështuan në blerjen e fitores ndonëse tregut të votave iu hapën dyert kudo mbi Fushë-Krujë!

Me të ardhur në pushtet, më nuk i duhej as Tomë Doshi, Paulin Sterkaj e Pjerin Ndreu që menaxhonin të fortët e zonës dhe vjedhnin vota, ama i mbante si zar ndonëse përflitej për tenderët që gllabëronin në Qarkun e Shkodrës dhe Lezhës.

Krijimin e një klime të re politike e mendoj me prurje të reja, jo më me “malokë” por me vrasës dhe trafikant droge rilindas, të pëzgjedhur nga Kamza në Han të Hotit, që për zili do t’ia kishte edhe “Ndrangheta”. Me Arben Ndokën, Mark Frrokun,  Armando Prengën, Artur Bushin, Dionis Imerajn dhe së fundi Valdrin Pjetrin, Edi Rama i dha një pamje të re elitës politike shqiptare dhe jo vetëm.

Kështu, 100 vjet pas krijimit të shtetit shqiptar, Edi Rama arriti ta kriminalizoj Parlamentin e Shqipërisë duke i dhënë një grusht të fort trashëgimisë historike, kulturore, politike dhe kombëtare. Me injorantët më të mëdhenj dhe kriminelët më të egër që futi në politikë dhe Parlament, situata nuk rëndoi vetëm politikën shqiptare por edhe vetë PSSH-në, ku kishte kriminelë komunist që ndarjen e shqiptarëve vazhdonin ta bënin me luftën e klasave, dhe kriminelë rilindas që për misioni kishin legalizimin e parave të krimit përmes pushtetit; Dhe, këtë e kishte të qartë Edi Rama ashtu si edhe synimin e tij për ndryshimin e hartës elektorale mbi Fush-Krujë!

Por pushteti dhe paraja nuk ndryshuan vetëm Edi Ramën por edhe kriminelët të cilët Kryeministri i kishte futur në politikë edhe për nevojat e veta. Përfitimet që sjell pushteti formatizuan të dy llojet e kriminelëve komunist që Edi Rama i kishte në krah, si pasardhësit e themeluesve të PPSH ashtu edhe rilindasit me të cilët Rama bënte Ligjin.

Në klimën e krijuar politike, kur denoncimet e opozitës po binin në vesh të shurdhër, vetëm pushteti që iu ofrua kësaj bote të krimit dhe masa që ata tejkaluan, bëri që të sensibizlohet nevoja për Ligjin e Dikriminalizimit. Dhe, ndonëse ishte menduar ndryshe, ky Ligj i cili në fillim tregoi dhëmbët me shumë oreks, ai arriti të kap vetëm ata kriminel me garanci të mëdha që kishin nga Kryeministri, dhe nuk u larguan nga bota e krimit edhe nën petkun e Deputetit, përkatësisht, Kryetarit të Bashkisë. 

Sot, kur zgjedhjet e 30 Qershorit dëshmuan se Edi Rama mund ta kaloj Fushë-Krujën por jo edhe ta ndryshoj hartën elektorale sepse në krah ka krimin, jo për Valdrin Pjetrin por për atë që solli Valdrin Pjetrin, Edi Rama një orë e më parë duhet të largohet së bashku me shpurën e tij kriminale.

Edi Rama mendoj ta rilind PSSH-në me krim e para por kjo rilindje i rezultoi abort. Me krim dhe para Edi Rama nuk arriti të fitoj më shumë se 15 % të votave nga Kamza në Han të Hotit dhe Tropojë. Nëse kjo nuk i pengon Partisë Socialiste ky është problem vetëm i kësaj partie kriminale!

Në zgjedhjet e 30 Qershorit, 85 % e shqiptarëve treguan se Edi Rama nuk rilind dot edhe kur ai e mohon se mbi Fushë-Krujë jetojnë çeçenë, malokë e alpinë! Sepse, Edi Rama ishte dhe është i bindur se kur e kalon Fushë-Krujën, aty mund të gjejë bashkëpunëtor shumë të mirë por ata janë vrasës dhe trafikant droge! Dhe, para se ti mbledhë edhe paratë e fundit përmes aksionit informal të antinformalitetit, Edi Rama duhet të përfundoj në pranga së bashku me bashkëpunëtorët e tij nga bota e krimit. E paratë, ti kthehen pronarit të vetëm që i janë marrë duke i futur duart në xhep, qytetarit shqiptar!