Kriza politike, Drejtori i DASH nesër në Tiranë

Pas vizitës së delegacionit të nivelit të lartë nga Gjermania, nesër në Tiranë vjen Drejtori për Europën Qendrore dhe Jugore pranë Departamentit të Shtetit, David Kostelancik.

David Kostelancik gjatë vizitës së tij dyditore do të takohet me liderët politik dhe institucional në Shqipëri në përpjekje për zgjidhjen e krizës politike. Me Kryeministrin Edi Rama ai do të takohet neser në orēn 17:00 ndërsa një takim kokë më kokë pritet ta zhvilloj të enjten me Kryetarin e Partisë Demokratike, Lulzim Basha.

Ndërkohë Ambasada e SHBA në Tiranë ka vazhduar edhe sot me fushatën senzibilizuese dhe informuese për të shpjeguar se si reforma në drejtësi do të sigurojë që çdokush të jetë i barabartë përpara ligjit:

Çfarë është reforma në drejtësi? Si po zbatohet? Si do të ndikojë në jetën tënde dhe në jetët e shqiptarëve? Gjatë javëve të kaluara, postuam një seri videosh informuese për të shpjeguar se si reforma në drejtësi do të sigurojë që çdokush të jetë i barabartë përpara ligjit. Keni humbur njërën prej videove tona? Këtu mund të shikoni serinë e plotë mbi Reformën në Drejtësi, Rivlerësimin, Gjykatën Kushtetuese, SPAK dhe BKH: https://bit.ly/2PkUB9y#CfareEshteReformaNeDrejtesi#NdalKorrupsionit