Ikën Hahn, emërohet komisioneri i ri për zgjerimin

Komisioneri i ri për çështje të fqinjësisë dhe zgjerimit të Bashkimit Evropian do të jetë Ish-eurodeputeti nga Hungaria, Laszlo Trocscany.

Ish-eurodeputeti Trocscany ka qenë ministër i Drejtësisë i Hungarisë, nga viti 2014 deri më 2019. Ai gjithashtu ishte anëtar i Gjykatës Kushtetuese të Hungarisë. Troscany nuk është pjesë e partisë në pushtet, Fidez, që udhëhiqet nga kryeministri hungarez, Viktor Orban por ishte në listën e kësaj partie për Parlamentin Evropian ndërsa është njëri ndër njerëzit më luajal ndaj kryeministrit Orban.

Ndryshe, sot Presidentja e Komisionit Evropian, Ursula von der Leyen, sot prezantoi anëtarët e kabinetit të saj që dominohet nga femrat me 14 femra dhe 12 meshkuj.

Për shkak të largimit të planifikuar të Britanisë së Madhe nga BE më 31 tetor, Mbretëria e Bashkuar nuk përfaqësohet më në Komisionin e ri dhe kabineti i Ursula von der Leyen ka dy komisioner më pak.

Komisionarët e rinj do të marrin detyrën më 1 nëntor të këtij viti.