Përplasen 3 makina/ Elbasan, 4 të vdekur dhe 2 të plagosur

Një aksident i rëndë rrugor ka ndodhur rreth orës 15:00 në Papër të Elbasanit, ku kanë mbetur 4 të vdekur ndërsa janë plagosur dy persona.

Mësohet se në aksident janë përfshirë tre automjete, ku një nga automjetet ka dalë nga rruga për shkak edhe të motit të keq që ka përfshirë vendin.

Policia dhe grupi hetimor ndodhen në vendin e ngjarjes dhe po punojnë për zbardhjen e shkaqeve të aksidentit.

Njoftimi i policisë:

Më datë 23.09.2019, në aksin rrugor Elbasan- Papër, ka ndodhur një aksident rrugor ku janë përplasur tre automjete, mjeti me drejtues shtetasin G.K, mjeti me drejtues shtetasin O.Sh dhe mjeti me drejtues shtetasin E.R.

Për pasojë katër shtetas kanë humbur jetën të cilët ishin pasagjerë në mjetin që drejtohej nga shtetasi G.K, kanë humbur jetën. Ndërsa dy të tjerë janë jashtë rrezikut për jetën të cilët janë transportuar për ndihmë mjekësore.

Grupi hetimor ka shkuar në vendngjarje dhe po kryen veprimet për zbardhjen e shkakut të aksidentit.