(Mos)çelja e negociatave, Edi Rama akuzon BE dhe Opozitën
Tha nga foltorja e Parlamentit të Shqipërisë se s’di ti jap makinës, por çuditë fakti se nga është mësuar Kryeministri Edi Rama të shtyp kështu në perfeksion çdo gjë që i del para; Nuk e kupton pse i thanë që të hap krahun nëse nuk zbaton Planin për Reformën Zgjedhore për faktin se nuk e njehë njeriun që i dha këtë Plan edhe bashkëpunimin me Opozitën e Bashkuar ia bënë të qartë Zonja e Madhe së cilës i tha “Danke”. Dhe, kur bindet se çelja e negociatave është e pamundur, ai fillon dhe identifikon “fajtorë” duke i akuzuar rëndë.
Shqiptarët sot e kuptuan nga Kryeministri Edi Rama se ndonëse janë të varfër dhe të sunduar nga një klikë kriminale të cilën tashmë e njohin të gjitha shtetet anëtare të Bashkimit Evropian ku Shqipëria pretendon të anëtarësohet, se nëse secila nga këto vende që sot janë pjesë e unionit, do ishin në vend të Shqipërisë sot, nuk do mundeshin dot të hynin në BE dhe se Shqipëria është më gati se sa kanë qenë këto vende para anëtarësimit.
E si do ta fillonte një fjalim dështimi Edi Rama përveç se me fjalë të kokave të mëdha të kombit shqiptar:
“Fjalet që Sami frashëri i shkruante në fund të shek 19. sot jemi në fillim por jo në fillim fare të shek 21 dhe ajo çka i dukej një mundësi shumë e shpejtë ka kërkuar një shekull e sot që flasim nuk mund të themi që është një mundësi shumë e shpejtë, ende. E për këtë besoj është me rëndësi që të përpiqemi të gjithë ta nxjerrim debatin për Evropën dhe për ecurinë tonë në raport me Evropën nga sherri i përditshëm dhe nga nevoja e përditshme për të prodhuar sherr duke u përpjekur të fajësojmë njëri tjetrin e duke gënjyer veten e shqiptarët se cështja është se thelbi është se akuzat e ndërtsjella që kush e ka fajin pse spo ndodh.”
A është gati Shqipëria për të hapur negociatat?! Pyetjen e bënë edhe disa nga deputetët para se Kryeministri ta merrte fjalën por Edi Rama kishte pyetjen dhe përgjigjen:
“Besoj që pyetja është legjitime dhe meriton një debat por kur ngrihet si pyetje retorike e merr atë përgjigjen e argumentohet me Hollandën apo kushtet e Gjermanisë apo Francën që medemek qenkan me rigoroz se gjithë vendet e tjera e medemkek shikokan më thellë se KE qe paguuhet nga të gjithë për të parë ditë për ditë e thellë e më thellë vetvetiu ikim nga thelbi e futemi në katundin tonë.
Sot nuk do futej dot, cilido prej tyre, sot cilido nga vendet që është në BE aktualisht, nuk do futej dot e madje vende që ishin në BE para rënies së komunizmit nuk do futeshin dot se sot BE është në një debat të brendshëm që s’ka në konsideratë zgjerimin e BE por daljen nga një situatë që e ka vendosur BE në pozitë të vështirë në raport me fuqitë e tjera. Debati mes Francës e Gjermanisë apo atyre që e predikojnë hapur zgjerimin, e atyre që nuk e duan, nuk lidhet as me argumentet e përdorura këtu për politikë të brendshme dhe as me Shqipërinë e Ballkanin Perëndimor.
Shqiperia sot është më gati se kanë qenë të gjitha vendet e tjera para hapjes se negociatave se procesi është bërë sbnumë më i komplikuar dhe më kërkues. Sot Shqipëria kërkon çeljen e negociatave, por pikëpyetja është sa dhe si Franca do ta adresojë këtë kërkesë të Shqipërisë.”
E meqë I Madhi dhe I Gjati i dinë të gjitha, ai e dinë dhe kush është fajtori në këtë mes. E filloi me Bashkimin Evropian:
“Thanë plotësoni këto të 3 kushte, ne i kemi plotësuar, tani shtojnë dhe të tjera sipas jush, ca do të thotë kjo. Nëse shkon për krushqi dhe të thonë plotëso tre kushte, ti i plotëson dhe kur shkon ata të thonë që kemi edhe të tjera, çfarë do të thotë kjo, do të thotë që ata me të cilët do të bësh krushqi nuk janë gati ata, mos u bëni qesharak, dhe ata në pozicionin e fortë, nga ana tjetër në raport me kë është gati Shqipëria? Me fqinjët? Maqedonia e Veriut që me plot të drejtë shikohet me sy më pak kritik, e dini sa vjet ka që pret të hapë negociatat.”
Dhe jo vetëm kaq!
“Si ma shpjegoni ju mua që BE i thotë Kosovës që unë që të liberalizoj vizat ti duhet të bësh demilitim me Malin e Zi dhe hap kapituj negociatash me Serbinë që e nuk e njeh fare Kosovën.
Mbi 100 mln njerëz kanë hyrë në BE, pa vizë, dhe nga vende ohuuu ku e ku më larg se Kosova, ça është kjo? Kush i ha këto, i hani ju, nëse nuk i hani mos ua jepni shqiptarëve ti hanë se këto janë broçkulla. BE nuk ka sot problemin e plotësimit të kushteve, BE ka një debat të brendshëm, lidhur me krizën që ka marrë të përpjetën që me shpërthimin e lumit të refugjatëve,” tha Kryeministri që nuk e ha por që kërkon çeljen e negociatave nga këta që i akuzon nga ERTV e deri tek foltorja e Parlamentit të Shqipërisë; Dhe, bënë një shpikje spektakolare!
Për Kryeministrin kushtet e reja të vendosura nga Gjermania nuk qëndrojnë dhe nuk kanë të bëjnë me ralitetin shqiptar edhe pse të gjithë, përveç Edi Ramës, janë koshientë, madje ai thotë se Gjermania i ka vendosur këto kushte për politikën e tyre të brendshme.
“Dëgjoj këtu që Gjermania ka vënë kushte, pse i ka vënë? I ka vënë për çfarë, i ka vënë për politikën e vet të brendshme dhe në funksion të asaj politike dhe pse bëhet debat deri në momentin e fundit se ka vota pro dhe vota kundër, për politikë të brendshme.
Nga ana tjetër, Gjermania e tha qartë, ka thënë Po, se kancelarja ka vënë veton se nuk ka ndoreje mes Shqipërisë dhe Maqedonisë së Veriut dhe ka thënë po,” tha Edi Rama për Gjermaninë e mjerë e cila nuk do të ketë më sebepe për të bërë politike të brendshme kur Shqipëria të bëhet anëtare e Bashkimit Evropian.
Kur mbaroi me Bashkimin Evropian si “fajtore ekskluzive” pse nuk çelen negociatat me BE, në mungesë të një psaqyreje, Kryeministri Edi Rama e gjeti dhe një fajtor, Opozitën:
“Kush tha që duhet të plotësojmë 9 kushte dhe do bëhemi anëtarë të BE, ne duhet të plotësojmë 999, e di sa kohë iu desh Serbisë, 32 muaj. Ndërkohë që tek ne duhet të plotësohet Kushtetuesja, Gjykata e Lartë dhe Reforma Zgjedhore. Po çfarë, do presim ne të bini dakord ju me ne që do ndryshojmë sistemin, se doni ju dhe duhet edhe ne se ndryshe nuk u bëka kjo punë dhe do presin shqiptarët sa të merremi vesh ne, dhe sa ju të jeni në gjendja që kur vinë ata mos të ikni ju me vrap apo ata që vijnë të mos kërkojnë të iki Gjiknuri, ta harroni ju dhe ta harrojnë dhe ata.”
Meqë krimineli më i madh elektoral shqiptar, Damian Gjiknuri, sipas Edi Ramës nuk ka ndonjë mëkat, ai i bëri thirrje opozitës nëse janë patriotë që ta bëjnë Reformën Zgjedhore me “patriotin Gjiknuri”:
“Nëse jeni patriotë duhet urgjent bashkërisht të bëjmë reformën si fazë të parë, të ulemi e ti marrim një nga një rekomandimet e OSBE ODIHR, ato janë e zezë mbi të bardhë, nuk kanë nevojë të merremi vesh ne, ato merren e futen ne ligj. Dhe me atë letër i thuhet Gjermanisë mike që është avokate e çeljes së negociatave, ne i kemi plotësuar, mbaroi.”
Kur identifikoi të gjithë fajtorët, përveç tij, pse kanë ngecur negociatat me BE, Edi Rama i dha përgjigje edhe Kryetarit të Partisë Demokratike, Lulzim Basha, i cili dje u shprehë qartë se nëse nuk e zbaton dot Planin për Reformën Zgjedhore që iu dorëzua nga Opozita e Bashkuar le të hap krahun, Kryeministri e bënë të qartë se sikur se 9 Kushtet e Bundestagut nuk ka nevojë të lexoj as Planin e opozit sepse ka përgjigjen:
“Thonë hap krahun, po unë s’kam parë, kjo është pastaj ça të them se unë vet s’di ti jap makinës, kjo dihet, i thotë një këmbësoii që rri te hija e fikut makina hap krahun, ta kemi dhënë planin zbatoje me çfarë dekreti hyjnor e ke marrë të drejtën të më çosh mua planin, kush je ti, ça përfaqëson? Ata që përfaqëson i ke lënë në rrugë.
Megjithatë ata janë të mirëpritur, unë ju kam të gjithëve njësoj juve këtu e ata atje madje për ata kam pak më shumë dhimbjen e kujdes se janë në një hall më të madh, ju keni hallin e Evropës”.
Kur deliri i Edi Ramës theu edhe traun e mikut të tij Qet Kastrati pa paguar as 660 lekë, dhe opinioni publik filloit të lutet për gjendjen e tij të rëndë ishte deputeti i “Opozitës së Edi Ramës”, Kujtim Gjuzi që e shpëtoi nga monologu i tij që po përfundonte me vjellje, traumë dhe shok.
Për fat të Kryeministrit Edi Rama reagoi Kujtim Gjuzi dhe filloi të merret me çështjet konservatori të këtij parlamenti të turpshëm:
“Ai atje ka hallin e monarkisë, por janë halle luksoze në krahasim me hallet e tyre, kshq hallet tuaja luksoze mbajini vet, se erdhi se nuk erdhi monarkia ti je mbret nuk të lëviz njeri nga froni je mbret pa mbrëtëri, por mbret je. Naltmadhni ulu, ulu se jemi akoma në Republikë”.
Madje Edi Rama shkoi edhe më larg kur Kujtim Gjuzi po replikonte me të. Duke njohur mirë trashëgiminë e monarkisë shqiptare, si pasardhës hyzmeqari, Kryeministri e përshëndeti sipas traditës së Mbretit Zog.
