“Takimet e poeteshave shqiptare”/ Fituese e Çmimit të parë, Etleva Tafa

Poetja nga Tirana, Etleva Tafa, është fituese e Çmimit të parë të Edicionit të 37-të të Festivalit të poezisë, “Takimet e poeteshave shqiptare”, që tradicionalisht mbahet në qytetin e Vushtrrisë.

Çmimin e fitueses për poezinë “Ti merr diell dhe hënë prej meje”, në ceremoninë e Festivalit që filloi dje me mbrëmjen letrare në Vushtrri, fitueses Tafa i’a ka ndarë kryetari i Komunës së Vushtrrisë, Xhafer Tahiri.

Çmimin e dytë e ka fituar Rrezarta Shkurta, poete nga Shkodra, derisa vendin e tretë Medina Pasoma, poete nga Vushtrria.

Në këtë manifestim të veçantë, me mirënjohje është nderuar edhe muzicienti i respektuar Fahri Beqiri.

Sot, në ditën e dytë të këtij manifestimi poetet pjesëmarrëse në këtë festival do të vizitojnë monumentet e trashëgimisë kulturore të qytetit të Vushtrrisë.