Parashikimi i motit për datën 4 Nëntor, ja çfarë pritet

Parashikimi i motit për datën 4 Nëntor:

Sot priten reshje shumë intensive në qarqet Shkodër, Kukës, Vlorë dhe Gjirokastër, intensive në qarqet Lezhë dhe Berat, ndërsa mesatare në të gjitha qarqet e tjera.

Intensiteti i reshjeve do të vijë duke u rritur gjate pjesës së parë të ditësdhe zvogëlohet gradualisht gjatë pjesës së dytë.

Reshjet do të të shoqërohen edhe me shtrëngata në të gjitha qarqet.

Për shkak të intensitetit të lartë të reshjeve të parashikuara pothuajse në të gjithë territorin, ekziston mundësia e vërshimeve të shpejta. Veçanërisht mund të paraqiten probleme në zonat urbane, kjo në varësi të gjendjes së rrjetit të kanalizimeve. Më të rrezikuara nga vershimet e shpejta janë sidomos qarqet Shkodër, Kukës, Lezhë, Vlorë dhe Gjirokastër.

Era pritet të fryjë mesatare deri e fortë sidomos në bregdet. Ajo do të pësojë një dobësim gradual gjatë gjysmës së dytë të ditës.

Temperaturat minimale dhe maksimale

Në bregdet: 16 / 20 °C

Në vendet e ulëta: 16 / 19 °C

Në vendet malore: 9 / 13 °C