“Rrugëtimi për Shqipërinë”, Sot Lulzim Basha nis bashkëbisedimin me shqiptarët

Me qëllim të projektimit të zgjedhjeve afatgjata, Kryetari i Partisë Demokratike, Lulzim Basha, sot nis nga Elbasani “Rrugëtimin për Shqipërinë” për të ardhmen e përbashkët, me takimet e hapura me qytetarët e Shqipërisë ku pritet të diskutohet për çdo çështje dhe problematikë që qytetarët mund të ngrenë me pyetje të drejtëpërdrejta drejtuar Kryetarit të PD.

Ndërkohë Kryetari i Partisë Demokratike, Lulzim Basha, gjatë këtij turi pritet të zhvilloj takime të veçanta edhe me strukturat e partisë, pas punës disa mujore në shtimin e radhëve si dhe zbatimin e udhëzimeve të Kryesisë dhe Kryetarit të PD, takime këto ku përveç diskutimit të problematikave do të shërbejnë edhe për mobilizimin e tyre.

Kështu, Kryetari i Partisë Demokratike, Lulzim Basha, sot në orën 17:00 nis nga Elbasani “Rrugëtimin për Shqipërinë” për të vazhduar për gjatë kësaj jave me takimet:

-E martë, 05 Nëntor 2019, ora 17:00, Korçë;

-E mërkurë, 06 Nëntor 2019, ora 17:00, Shkodër;

-E enjte, 07 Nëntor 2019, ora 17:00, Vlorë;

-E premte, 08 Nëntor, ora 17:00, Krujë.