Albin Kurti takim me Zoran Zaev

Kandidati për Kryeministër i Lëvizjes Vetëvendosje, Albin Kurti, sot në takim me Kryeministrin e Maqedonisë së Veriut, Zoran Zaev, biseduan për situatën politike dhe mundësitë e bashkërendimit të ndërsjelltë në mes dy vendeve.

“Sot në Shkup takova kryeministrin e Maqedonisë së Veriut, Zoran Zaev, ku biseduam për situatën politike në dy vendet tona, mundësitë e bashkërendimit të ndërsjelltë, raportet midis shteteve në Ballkan dhe çështjet e integrimit evropian,” thekson Albin Kurti përmes rrjetit social Facebook duke paralajmëruar takime e bashkëpunime në të ardhmen.

Ja postimi i plotë:

Sot në Shkup takova kryeministrin e Maqedonisë së Veriut, z. Zoran Zaev, me bashkëpunëtorët e tij. I shoqëruar nga anëtarët e kryesisë, znj. Fitore Pacolli-Dalipi dhe z. Liburn Aliu, biseduam për situatën politike në dy vendet tona, mundësitë e bashkërendimit të ndërsjelltë, raportet midis shteteve në Ballkan dhe çështjet e integrimit evropian.

Do të mbetemi në komunikim të vazhdueshëm për takime e bashkëpunime në të ardhmen.