Në SHBA përkujtohen viktimat e komunizmit, Bardh Spahia: Në Shqipëri glorifikojnë figurat gjakatare!

Pas ekspozimit të portreteve të kriminelëve komunist në Bulevardin “Dëshmorët e Kombit”, në kuadër të 75-vjetorit të Çlirimit dhe në emër të dëshmorëve të Luftës së Dytë Botërore, reagon Ish-Deputeti i Partisë Demokratike, Bardh Spahia, duke theksuar se sot kur në Shtetet e Bashkuara përkujtohen viktimat e komunizmit në Shqipëri glorifikohen figurat gjakatare.

“Në Shqipëri pinjollët e diktaturës komuniste me paturpësinë më të madhe e në mënyrë kriminale glorifikojnë në mes të kryeqytetit tonë figura gjakatare te rregjimit më të egër komunist,” thekson Bardh Spahia në reagimin e tij përmes rrjetit social Facebook, duke shtuar se vuajtjet e viktimave të komunizmit jo vetëm nuk kujtohen e nderohen siç ndodh në SHBA, por:

“Përdhoset e nëpërkëmbet qëllimisht kujtimi i tyre dhe kontributi i jashtëzakonshëm që ata individë të nderuar, dinjitozë e guximtarë dhanë për atdheun tonë. Le ti kujtojmë sot e përjetë e të frymëzohemi nga qendresa dhe sakrifica e tyre sublime.”

Reagimi

Ndodh në SH.B.A.
Departamenti Amerikan i Shtetit: “Sot në Ditën Kombëtare të Viktimave të Komunizmit, ne kujtojmë ata miliona njerëz që humbën jetën nën regjimet shtypëse komuniste. Ne gjendemi pranë atyre që vazhdojnë të vuajnë në perpjekjet e tyre për liri që duhet ta gëzojnë të gjithë”.

Po në Shqipëri? Në Shqipëri pinjollët e diktaturës komuniste me paturpësinë më të madhe e në mënyrë kriminale glorifikojnë në mes të kryeqytetit tonë figura gjakatare te rregjimit më të egër komunist.

Jo vetëm nuk kujtohen e nderohen vuajtjet e viktimave të komunizmit, siç ndodh në SH.B.A. por përdhoset e nëpërkëmbet qëllimisht kujtimi i tyre dhe kontributi i jashtëzakonshëm që ata individë të nderuar, dinjitozë e guximtarë dhanë për atdheun tonë.

Le ti kujtojmë sot e përjetë e të frymëzohemi nga qendresa dhe sakrifica e tyre sublime.