Prokuroria e Tiranës ka mbyllur hetimet për çështjen e financimeve në SHBA për zgjedhjet parlamentare të vitit 2017 duke pushuar akuzën e lobimit rus e pastrimit të parave për Kryetarin e Partisë Demokratike, Lulzim Basha dhe duke e dërguar dosjen në gjykatë vetëm për akuzën e falsifikimit të formularit të financave të partisë.
![](https://i0.wp.com/www.pafrike.al/wp-content/uploads/2019/11/I-pandehuri-Lulzim-Basha.jpg?resize=902%2C646&ssl=1)
Kështu lideri i opozitës do të jetë i pandehur vetëm për “falsifikim i vulave, i stampave ose i formularëve” të parashikuar nga Neni 190/3 të Kodit Penal.
Gjithashtu hetimet janë mbyllur edhe ndaj ish-sekretarit të përgjithshëm, Arben Ristani dhe shefit të financës Ilir Dervishi, ndërsa dosja është dërguar në gjykatë po për të njëjtën akuzë.