Ora e Ruçit!

“Ne nuk jemi si ata!” Këtë togfjalësh e ka futur në ligjërim të përditshëm politik kryeministri i Shqipërisë, Edi Rama, por arsyetimin e shtroi sot edhe  juridikisht, kryetari i Parlamentit, Gramoz Ruçi.

Për ta kuptuar edhe kalamajtë pse opozita është kundër Ruçit kryeparlamentar, dhe cila është arsyeja që Edi Rama e mbron këtë njeri në krye të tempullit të ligjeve shqiptare, për këtë u kujdes vet i akuzuari për krime kundër njerëzimit dhe ministri i fundi i Brendshëm i dikakturës komuniste, Gramoz Ruçi.

E enjtja e shenjtë në parlament, që i ka mbetur opozitës për të shprehur mendimin dhe vërejtjet e saj kundër qeverisjes së Edi Ramës, mundohet të zhduket nga faqja e dheut nga ai që nuk është si opozita.

Pas iu mohua fjala e lirë në mediat e Fugës, pasi mori pultin e TVSH-së edhe për transmetimin e seancave të Parlamentit të Shqipërisë, polici i parë në grahmat e fundit të  diktaturës komuniste na demonstron se si ai është në gjendje të merr frenat edhe të Mark Zuckenbergut. Atë që nuk po e bënë dot as Kim Jong-unë në Korenë e Veriut, kryepolici i Ramiz Alisë do ta demonstroj në zemër të Evropës!

“Ne nuk jemi si ata!” Ka të drejtë kur thotë Edi Rama, sepse të mburresh me çmenduri nuk ka “ata” në botë që i konkurron! Dhe, në vend se të vejë në rresht gjithë këta injorantë të rilindjes, se duhet të harrojnë periudhën kriminale të komunizmit, ata përqeshin opozitën pse i erdhi koha e Facebookut.

Kap pultin kryepolici Gramoz Ruçi, ndërpret transmetimin e seancës plenare që po ashtu vetë e drejton, dhe kur i vjen informacioni se gjithsesi kjo seancë po shikohet në rrjetin social Facebook, kujtohet se Zuckenbergu një gjë nuk e ka llogaritë, fishën e internetit që edhe mund të ngelet në ajr!

“Ju erdhi ora e Facebookut, vazhdoni në Facebook!”

Me buzë në gaz tha i pari i policisë komuniste, që për të treguar se “nuk është si ata”, dëshmoi se, po, është po aq injorantë sa Enveri dhe Ramizi. Dhe, harron se interneti nuk shtrihet me kabllo si telegrafi i Xhaxhit “kur kërcënonte Stalinin”, se koha e heqjes së fishës ka mbaruar, dhe për të filluar negociatat me Bashkimin Evropian nuk mjafton të jeshë i trashë sa kryetari i partisë, ose sejmeni i tij mediatiko-shkencor.

Opozita krijoi kushtet dhe vazhdoi transmetimin live në Facebook, por kjo nuk mjafton. Nëse opozita mendon dhe vepron në kohën  e Facebookut nga ana tjetër vendi vazhdon të qeveriset si në kohën e Ruçit. Shefi i Ruçit, Edi Rama përdor ERTV-n siç përdorte lideri i tij shpirtëror, Enver Hoxha TVSH-n e cila nuk transmetonte dëshmi se vendi po kriminalizohej me trafikun e cigareve, alkoholit, kafesë dhe çdo malli akcize, si dhe me trafikun e opiumit, hashashit e kokainës. Ky është edhe produkti më i rrezikshëm që sot ERTV me skemën programore në kohën e Ruçit, i servir popullit shqiptar.

Për ta shpëtuar vendin nga kjo e keqe e madhe që e ka kapluar, opozita duhet të jetë e lumtur që  “i erdhi ora e Facebookut” por në asnjë mënyrë të mos e zbatoj urdhrin e policit të fundit kriminal: “Vazhdoni në Facebook!”

Po, opozita në  Facebook duhet të vazhdoj me denoncimet e qeverisjes kiminale meqë Edi Rama i ka mbyllur të gjitha shtigjet tjera të së vërtetës, por duhet ta ketë parasysh, as kjo rrugë nuk është e lehtë sepse përballë ka një kabinet qeveritar që qeverisë duke menduar se i erdhi ora, si në kohën e Ruçit…