Turp dhe faqja e zezë/ Atdheun e bënë pjesë të Serbisë, ja sa shqetësohet ministrja e Edi Ramës

Janë ngritur shumë pikëpyetje kur një person i panjohur në vendlindjen e saj, me urdhër të Edi Ramës bëhet Ministre e Arsimit në Shqipëri, por ja që gjithçka u sqarua pas zbulimit të faktit që në librat shkollor të ministrisë që Besa Shahini drejton, Kosova na del se është pjesë e Serbisë edhe 11 vjet pas pavarësisë, dhe ajo flet për pasaktësi.       

“Kosova është Republikë dhe njihet si e tillë nga Shqipëria, Maqedonia e Veriut, Mali i Zi, 22 vende anëtare të BE-së, SHBA-të dhe shumë shtete të tjera aleate. Por nga autori i librit, te artisti grafik, te redaktori i shtëpisë botuese e deri te komisioni që ka dhënë OK për botim, nuk kanë qenë në gjendje ta vërejnë mungesën e shtetit të Kosovës në të!”

Ky gabim, konstaton ajo, është i paqëllimshëm, ndërsa thekson përmes rrjetit social Facebook faktin se janë bërë përmirësime kolosale në korrigjimin e teksteve shkollore. “Por pa diskutim që nuk do të duhej të ekzistonin pasaktësi të tilla në librat shkollorë!”, shton ministrja Shahini duke e quajtur lajm të mirë këtë që ka ndodhur ndërkohë që po zhvillohet procesi i kontrollit të librave shkollorë, pasi sivjet është mbyllur procesi i hartimit të librave të reja.

Meqë Besa Shahinit nuk i prish punë nëse atdheu i saj është Kosova apo Serbia, të paktën le të merr shembull  nga Serbia ku ministrja e Arsimit kishte propozuar spostimin e “teorisë së Darvinit” nga librat e klasës së tetë me një tjetër leksion duke e quajtur teori dogmatike, dhe vetëm pse ky fakt doli në media, ministrja e Arsimit të Serbisë, Liljana Çolliç nxitoi dhe tërhoqi vendimin por dha edhe dorëheqje ndonëse libri nuk ishte botuar dhe nuk kishte pasaktësi si të Besës.