Bie bora e parë, ARRSH: Kujdes në këto akse…

Autoriteti Rrugor Shqiptar, ARRSH, duke informuar se filluan dhe reshjet e para të borës për këtë vit, bënë të ditur dhe cila është situata e rrugëve ku trashësia e borës tashmë ka arritur 10 cm.

“Pamje përgjatë aksit Qafë Mali-Fierzë, trashësia momentalisht ka arritur në 10 cm,” thekson ARRSH duke shtuar se sapo filluan reshjet, u morrën menjëherë masat e para të mirëmbajtjes dimërore, nisi puna për pastrimin dhe hedhjen e kripës ndërsa bënë thirrje për kujdes:

 “Automjetet që zgjedhin të kalojnë këtë aks të tregojnë kujdesin e duhur, të reduktojnë shpejtësinë dhe të respektojnë rregullat e qarkullimit!”