Ministri për Rindërtim, propozimin e Edi Ramës e dekreton menjëherë Ilir Meta

Kryeministri Edi Rama ka emëruar Arben Ahmetajn si ministër të ri në kabinetin qeveritar, i cili do të merret me procesin e rindërtimit pas dëmeve të shkaktuara nga tërmeti shkatërrimtar i 26 Nëntorit. Këtë emërim e ka dekretuar pa humbur kohë Presidenti Ilir Meta.

“Programi i Rindërtimit dikton hapjen e një vendi të posaçëm edhe në tryezën e Këshillit të Ministrave, ku një ministër i ngarkuar ekskluzivisht me koordinimin e të gjitha institucioneve vendase e ndërkombëtare që lidhen me këtë program, të ndjekë orë e minutë zbatimin e Programit,” thekson Edi Rama përmes rrjetit social Twitter duke publikuar edhe Propozimin dërguar Presidentit të Republikës.

Për dallim nga rastet tjera, Presidenti i Republikës, Ilir Meta nuk është marrur me afatet kushtetuese por ka dekretuar menjëherë ministrin e ri për Rindërtim, Arben Ahmetaj.