Procesi i zgjerimit nuk funksionon

Procesi i zgjerimit nuk funksionon, hapja e kapitujve është bërë një proces artificial dhe një mënyrë e tillë nuk funksionon më, mendon Ish-Drejtori i Komisionit Europian për Zgjerimin, Pierre Mirel.

Pierre Mirel aktualisht i angazhuar si ligjërues në Akademinë franceze Sciences Po, si anëtar i Komisionit Europian është marrë me zgjerimin e BE për 23 vjet, nga vitit 1990 deri në vitin 2013.

Mirel, raporton European Western Balkan, në konferencën “Kthimin i Ballkanit në vend të parë në BE“ e cila u mbajt në Beograd, kujton se si Mali i Zi ka konsumuar tetë vjet për të hapur 32 kapituj negociues.

“Procesi i zgjerimit nuk funksionon, hapja e kapitujve është bërë një proces artificial. Mali i Zi ka konsumuar tetë vjet që të hap 32 kapituj negociues dhe ka përmbyllë vetëm dy, që është, dështim,” tha Mirel duke vlerësuar se tashmë kapitujt janë vjetruar.

Ai propozoi me këtë rast që Ballkani Perëndimor të futet në tregun e përbashkët në mënyrë që të ketë më shumë investime.

“Prioritet duhet të jetë tregu i përbashkët, jo si qëllim, por si fazë e parë – qëllim duhet të ngelet anëtarësimi,” tha Mirel.

Në fund, Pierre Mirel tha se komisionerët europian duhet të fillojnë qartë dhe hapur të flasin se si duhet të angazhohet më shumë Brukseli zyrtar për të vepruar me shtetet anëtare dhe parlamentet kombëtare.