Stuhia e erës/ Probleme me rrjetin e energjisë elektrike, në Selitë të Tiranës këputet fideri

Pemë dhe shtylla të përcjelljes së energjisë elektrike janë rrëzuar në Selitë dhe zona të tjera të Tiranës bën me dije OSHEE. Përmes një njoftimi OSHEE bënë të ditur se moti i keq ka prekur pjesë të rrjetit elektrik. Nga fotot duket se si është këputur prej erës së fortë fideri në zonën e Selitës në kryeqytet duke lënë pa energji elektrike dhjetëra banorë.

Ndërkohë ka shpërthyer në flakë kabina elektrike tek zona e Tregut Elektrik. Si pasojë e shpërthimit, zona ka mbetur pa energji elektrike.

Ndryshe, moti i keq dhe stuhia e erës goditi ditën e sotme Tiranën dhe disa qytete të tjera. Në kryeqytet, shpejtësia më e lartë e erës u regjistrua 64 km/h, sipas Shërbimit Meteorologjik të Ushtrisë.

Në disa zona u rrëzuan pemë, por për fat të mirë nuk ka patur të lënduar.

Njoftimi i OSHEE

Moti i keq diten e sotme preku pjese te rrjetit elektrik, sidomos ate ajror. Demet jane shkaktuar kryesisht nga era e forte. Gjithesesi, brigadat e avarive ndodhen ne gatishmeri. Foto nga keputja e fiderit ne Selite, Tirane.