“Abuzuesit”, Gjykata e Durrësit: “Arrest me burg” për 10 zyrtarë të policisë, 10 të tjerë lirohen

Gjykata e Durrësit ka dhënë masën e sigurisë “arrest me burg” për 10 nga 20 zyrtarë e policë të arrestuar mbrëmjen e së enjtes, për “Shpërdorimit të detyrës” dhe “Ndërtim të paligjshëm, në bashkëpunim” ndërsa polici i patrullës, Gani Dama, është shpallur në kërkim.

Kështu Gjykata ka lënë në burg: Ermand Petova, Specialist i Krimeve; Gjergji Gërco, Sekretar i Njësisë Administrative Sukth; Agim Osmani, efektiv policie; Haxhi Sherra, ndihmës-specialist pranë Komisariatit të Shijakut; Ndriçim Shika, ndihmës specialist i Policisë në Shijak; Adem Lika, ndërtues; Dëshir Dakoli, ndihmës specialist/SPZ, në Komisariatin e Policisë Durrës; Petrit Neziri, ndihmës specialist i Policisë në Manzë.

Ndërkohë 10 prej tyre janë lënë të lirë, me masën “detyrim paraqitje”: Besnik Domi, shefii Rendit në Shijak; Sami Xhafa, shefi i Stacionit Policor në Manzë; Marius Shahini, kryeinspektor IMT-ja në Shijak; Nikoll Marku, OPGj pranë Komisariatit në Manzë; Julian Kacadej, specialist IMT-ja Shijak; Dritan Koçi, posedues dhe zhvillues i ndërtimit pa leje; Paulin Meta , posedues dhe zhvillues i ndërtimit pa leje; Qerim Doka, Posesdues dhe zhvillues i ndërtimi pa leje; Gjon Zefi, Posesdues dhe zhvillues i ndërtimi pa leje; Astrit Nuri, specialist i armatimit në policinë e Durrësit.

Operacioni i koduar “Abuzuesit” ka çuar në pranga 20 shefa, zyrtarë dhe punonjës policie të cilët dyshohet se kanë lejuar ndërtimet pa leje në zonën e Durrësit, Manzës dhe Shijakut.