Vrau 26 persona, autoritetet tajlandeze: Motiv, prona!

Forcat tajlandeze të sigurisë kanë vrarë sot në mëngjes ushtarin i cili vrau 26 dhe la të plagosur 52 persona, ka bërë të ditur ministri i Sigurisë i Tajlandës, Prayuth Chan-ocha, pas kërkimit disa orësh të vrasësit nëpër qendrën tregtare “Terminal 21”, në qytetin Nakhon Ratchasimi.

Motivi, sipas autoriteteve, ishte inati që kishte me marrëveshjen e arritur rreth tokës (pronë e tij) ku ai mendonte se e kishin mashtruar, tha Prayuth nga qyteti Nakhon Ratchasimi pasi vizitoi të plagosurit.

Ushtarin e vranë forcat ushtarake pasi përgjatë gjithë natës pushtuan qendrën tregtare “Terminal 21”, 250 km larg kryeqytetit Bangkok. Sulmuesi, sipas policisë, është Jakrapantha Thommu, 32 vjeç, i cili kishte punuar në bazën ushtarake afër qytetit Nakhon Ratchasimi. Para sulmit ai në profilin e tij në Facebook kishte shkruar se po niset për hakmarrje, pa treguar arsyen.