Kuvendi demokratik i PD me kritikë të Bashës në Kuvend dhe Facebook

Pas një fushate të egër mediatike kundër Draft-Statutit dhe propozimet e kryetarit të PD, Lulzim Basha, në Kuvend u dëgjuan vetëm zërat kritik të Ish-kryetarit të PD, Eduard Selami dhe Ish-kryetarit të PD-së së Kukësit, Ibsen Elezi. Të tjerët që kritikuan Bashën për demokracinë e mohuar në parti, nuk ishin në Kuvend. Ata demokracinë vazhdojnë të mos e kërkojnë në strukturat e partisë por ato të rrjetit social Facebook.

Sidoqoftë ajo që ndodhi në Kuvend konfirmoi të kundërtën e këtyre kritikëve në rrjetet sociale, sepse zërat ndryshe dhe pajtimet e mospjatimet në sallë dëshmuan se vetëm demokracia nuk mungon.

Ish-kryetari i PD, Eduard Selami nuk ndryshoi stilin e të shprehurit dhe kursin e tij kritik nga liderit demokrat. Natyrsiht pati edhe reagime nga salla por kjo nuk e ndali Selamin të shprehë kritikat që kishte për Draft-Statutin dhe kryetarin e partisë dhe të rikujtoi se “edhe në momentet më të vështira kur jemi ndarë nga njëri-tjetri, ajo që na ka bashkuar janë vlerat që ndajmë bashkarisht.”

Ndërkohë Ibsen Elezi ishte kritik si ndaj Ish-kryetarit Sali Berisha ashtu edhe atij aktual Lulzim Basha. Foli për shkatërrimin e sistemit të karrierës në parti, katapultimet e padrejta nga lart, aleancën më LSI apo mungesën e vettingut për pasuritë e deputetëve që  siç tha ai kanë nga 400 mijë euro shtëpi.

                                       Selami- Bashës: Hape partinë dhe tërhiq draft-statutin…

“U bëmë partia më e suksesshme në fillimet tona, madje më të suksesshmit në të gjithë vendet ish-komuniste të Europës.

Por nga viti 1995 kemi probleme me demokracinë e brendshme, me respektimin e anëtarëve, me respektimin e statutit.

Fatkeqësisht statuti po kthehet në problemin tonë.

Kryetari do të zgjedhi, sërisht do të kemi listat e kryetarit. Statuti e kthen partinë në funksion të kryetarit.

Më vjen keq që në statut përmendet disa herë fjala përjashtim. Hapeni Partinë Demokratike, bëni analizën e zgjedhjeve, keni humbur dy palë zgjedhje, tërhiq draft-statutin, pasi është më i keqi në gjithë historinë e PD-së.

Kjo është qeverisja më e keqe në historinë e PD-së, por ne nuk ngjallim shpresë”.

                                                    Ibsen Elezi kritika Berishës dhe Bashës

“Deformuat sistemin e karrierës në sistem kacavirrjeje. Në 2013, 8 vjet me kundërshtarin tim ma kan sjellë në listë  të sigurtë në Tiranë. Të gjithë demokratët e Kukësit u befasuan, pyetën cfarë ndodh në partinë tonë.

Nuk bëhet  partia pse bashkohen figurat e Partisë Demokratike, partia bëhet kur ka rregulla, norma dhe anëtarët besojnë dhe ka frymë. Nuk mund të krijohet frymë demokratike nëse i shkelin të parët ata që e drejtojnë PD-në. Proceset e kandidimit janë formal. E kanë kthyer në luftë klanesh të mirëfillta.

Partia bëhet kur ka rregulla, kur ka norma, kur anëtarët besojnë dhe mblidhen të gjithë bashkë, kur ka frymë. Proceset e kandidimit janë formal, më thoni një rast. Po marr rastin e Sekretarit të Përgjithshëm, u bë një lobim i deputetëve dhe thanë do zgjedhim Ristanin se e kemi në krahun tonë. Pse mo, zgjidhjet Sekretari i partisë pa qenë asnjë ditë anëtar partie? Doktor, nuk duhet ta kishe lejuar Doktor kurrsesi, sepse ti për këto parime je shquar vazhdimisht në drejtimin e PD-së.

Ishte sistemi i departamenteve shumë i mirë, por nuk shtohen e hiqen departamentet sa herë do kryetari sepse do t’i bëjë vendin e anëtarit të kryesisë njërit e tjetrit, sepse ke shkatërruar strukturën. Kjo demotivon kontribuesin.

…Pse nuk futni lustracionin në statut?  Pse një spiun i sigurimit të shtetit do të  vazhdojë akoma të më drejtojë mua. Kështu do i hapim rrugën të rive. Hiqi ato që janë të implikuar, të korruptuar. Fusni sistemin e vettingut dhe lustracionit.

I keni deputetët e korruptuar. I keni deputetët me shtëpia 450 mijë euro,  çfarë merreni me Edi Ramën. Një trup i shëndoshë merret  kur pastron veten dhe del  me Edi Ramën. Kush e llogarit Edi Ramën?!
Si mund të thoni ju që baba i Edi Ramës ka qenë persekutor dhe nga ana tjetër merrni persekutorët dhe i fusni në parti ose stimuloni?!

…Unë jam një organizatorët e protestës së Kukësit dhe e di mirë çfarë ka ndodhur në Kukës. E di mirë që  PD ka punuar tre ditë të dështojë protesta. Doktor, këto janë fakte dhe të dokumentuara me mesazhe. Kam dëshmitar kryetarin e partisë së Kukësit. I ka kërkuar kreut të PD-së, na mbështet sepse po na përçajnë. Flamur Noka të enjten ka thënë se këto njerëz që po organizojnë protestën janë të shitur tek Edi Rama. Unë jam i shitur tek Edi Rama?! !ë në 2013 isha kryetar i PD-se atje për të fituar. Kur një deputet del e bërtet se këshilltarët e djathë që luten për ta takuar e ke tre vjet që s’i takon…”

                                                                Kuvendarët e Facebook-ut

Por kritikët më të zëshëm nuk morën pjesë në Kuvend, ata zgjodhën një tjetër mënyrë për të shprehr paknaqësitë e veta në ditën kur e kishin të qartë se Statuti i ri po miratohej përkundër fushatës Anti-Bashë që kishin organizuar në të gjitha mediat, ku ishin “shpërblyer” me jo pak hapsirë në prag të Kuvendit, edhe pse kishim të bëjmë me politikanë më pak dashamirës gjatë kohës sa ishin në pushtet.

Ish-nënkryetarja e PD, Jozefina Topalli duke harruar forumet ku ajo merrte pjesë dhe organizoheshin pikërisht në Sallën ku po zhvillohej Kuvendi, thekson se sot Kuvendin Kombëtar i PD nuk kishte kuorum.  Ndërkohë salla ishte stërmbushur më shumë së kurrë.

Ndërsa për Astrit Patozin kjo është dita kur historia e Partisë Demokratike pritet si me thikë. Partia Demokratike theksoi i ngjason shumë me Berlinin e pasluftës, kur sovjetikët dhe gjermanolindorët morën vendimin për ndërtimin e murit famëkeq.

Dhe, fjalëfiksja e zëri demokrat si kryetare e AMA-s dhe sot anëtarja e Këshillit Kombëtar të PD-së, Endira Bushati ishte prekur nga reagimet në sallë kundër Eduard Selamit, edhe pse ajo një kohë e kishte kritikuar vetë Ish-kryetarin e PD, njeriun i cili në çdo kohë ka shprehur publikisht mendimet e tij.

                            Topalli: Nuk ka kuorum, tani Lulzim hipi avionit dhe ik në Holandë

“Nuk ka kuorum. Rrezohet Lulzim Basha! Kuvendi i Statutit te Lulzim Bashes u rrezua bashke me Statutin e LB sepse nuk mori kuorumin. Salla e Kongreseve ka rreth 2500 karrige, shume prej te cilave ishin bosh gjate gjithë votimit, ndërkohë që Kuvendi sipas Lulzim Bashes ka 7000 delegatë.

Sot u perserit ajo qe ka ndodh rreth nje vit me pare kur u falsifikua dhe u vjedh vota e pjesëmarrja e demokrateve ne proçesin antistatuor te zgjedhje se Lulzim Bashes.

Tani Lulzim Basha hypi avionit dhe ik ne Holande; Keshtu çlirohet dhe PD nga pengmarrja”.

                        Patozi: Mes demokratëve u vendos sot përfundimisht “perdja e hekurt”!

“Mbajeni mend mirë këtë datë! Është dita kur historia e Partisë Demokratike pritet si me thikë.

Sot u legalizua gati me unanimitet kthimi në ndërmarrje private të një personi i forcës politike, që përmbysi diktaturën komuniste dhe udhëhoqi shumicën e proceseve transformuese të Shqipërisë në 28 vjetët e fundit.

Ndaj sot nuk është një ditë e zezë vetëm për demokratët.

Është ndoshta hera e parë në botë që një forcë politike mbledh Kongresin e saj vetëm për të ndryshuar statutin.

Dhe e konsideron këtë si një fitore, ndërkohë që nuk është mbushur ende viti, që kur statuti pararandës u flak botërisht në koshin e plehrave si një tefter pa vlerë.

Duhet të jetë me siguri rasti unikal në planet kur një parti e madhe e shkruan me dorën e vjet 3 vjet përpara që do t’i humbasë zgjedhjet dhe se pas disfatës do të drejtohet sërish nga i njëjti kryetar. Këtë, të paktën, mund të na e kishin kursyer.

Mos u çudisni që u përpoqën më kot t’i shisnin disa diskutime kritike në Kuvend si shenjë e ndryshimeve pozitive që gjoja po ndodhin në Partinë Demokratike.

Lodhen kot, sepse e kanë pothuajse të pamundur që të gënjejnë njeri me ketë.

Sepse problemi ynë këto vitet e fundit nuk ka qenë kurrë se të ndalojnë të flasësh, por se nuk lejojnë që të dëgjohesh.

Për fat të keq, sot Partia Demokratike ngjason shumë me Berlinin e pasluftës, kur sovjetikët dhe gjermanolindorët morën vendimin për ndërtimin e murit famëkeq.

Ky Kuvend ishte perdja e hekurt të Lulzim Bashës për të ndarë demokratët dhe për të izoluar përfundimisht nga çdo gjë perendimore atë që ka mbetur nga Partia Demokratike e drejtuar prej tij.

Por të gjithë ne e dimë mirë se si përfundoi historia e Murit të Berlinit dhe e Republikës (së Re) Demokratike Gjermane.”

                                  Bushati: Pse e tërhoqa fjalën time në Kuvendin e PD-së….

“Pse e tërhoqa fjalën time në Kuvendin e PD-së….

Meqë shumë miq, po më pyesin pse u tërhoqa nga fjala ime në Kuvend, e ndjej si detyrim të shpjegohem: Unë, në Kuvend, do të theksoja të njëjtat qëndrime që kam mbajtur në Kryesi dhe Këshill Kombëtar.

Isha, e treta në radhë, pas Eduard Selamit dhe Edvin Kullurit.

Unë kam qenë shpesh kundra qëndrimeve të Eduard Selamit…

Por, fishkëllimat, fyerjet, ulërimat në sallë kur ai, një ish kryetar i PDsë dhe kandidat për kryetar në 2017, po thoshte disa të vërteta të pamohueshme, ishin të shëmtuara, por dhe domëthënëse….

Dhe unë nuk mund të isha pjesë e së shëmtuarës, edhe pse jo shkaktare e saj…