Ilir Meta organizon protesta, shefi i diplomacisë gjermane Roth: Më 24 mars BE do të marrë vendim…
Deri sa Presidenti i Republikës, Ilir Meta, është i angazhuar në organizimin e protestave dhe Kryeministri Edi Rama në zgjidhjen e konfliktit Rusi-Ukrainë, për vendin e katandisur si mos më keq nga këta dy protagonistë të shkatërrimit të Shqipërisë, po kujdesen partnerët perëndimor që investuan në këtë vend ose më saktë Gjermania dhe SHBA mike.
Kështu, Ministri gjerman për Europën në Ministrinë e Jashtme gjermane, Michael Roth, është shprehur me besim, se BE në mars do të marrë një vendim pozitiv për çeljen e negociatave me Shqipërinë dhe Maqedoninë e Veriut.
Ministri për Europën i Gjermanisë, Michael Roth, raporton Agjencia gjermane lajmeve DPA, shpreson, që në takimin e ardhshëm me homologët e tij më 24 mars do të jepet një sinjal i qartë në drejtim të Ballkanit Perëndimor dhe do të çelen negociatat me Shqipërinë dhe Maqedoninë e Veriut.
Michael Roth ka kujtuar ndryshimet që janë bërë në metodologjinë e zgjerimit të BE dhe pret që Komisioni Europian të njohë edhe progresin në reforma që kanë bërë të dyja vendet. Komisioni Europian ka për të njohur progresin e rëndësishëm në drejtim të luftimit të korrupsionit dhe reformës së drejtësisë.
Vendimi për fillimin e negociatave me Shqipërinë e Maqedoninë e Veriut u shty në tetorin e vitit të kaluar, pas presionit të presidentit francez, Emmanuel Macron që kërkonte më parë reformimin e procesit të zgjerimit në BE. Tani Parisi është treguar i kënaqur me ndryshimet në procedurën e anëtarësimit të paraqitura nga Komisioni Europian. Por Parisi pret ende raportin e aktualizuar të progresit të Komisionit Europian të planifikuar për publikim në fillim të marsit. Dihet se çelja e negociatave është vetëm fillimi i një procesi të gjatë disavjeçar në anëtarësim. Vetëm nëse kandidatët i përmbushin kriteret dhe bëjnë reforma mund të anëtarësohen në fund në BE. E për këtë nevojitet një vendim unanim i Bashkimit Europian, raporton DW.
Ndryshe, Reforma Zgjedhore, sipas afateve të miratuara nga Këshilli Politik pritet të përmbyllet më 15 Mars ndërkohë Presidenti i Republikës dhe shefi i LSI, Ilir Meta ka thirrur një protestë më 2 Mars për, siç u shpreh, ruajtjes së Kushtetutës ndonëse së bashku me partnerin e koalicionit Edi Rama, ishin ata që e përdhosën dhe e bënë të pakorigjueshme për shumë kohë, duke pasur parasysh domosdoshmërinë e 2/3 në parlament, për çdo ndryshim kushtetues të ligjshmëm.
