Moskë, Lavrov mbështet Edi Ramën dhe Serbinë

Ministri i jashtëm rus Sergej Lavrov ka vlerësuar Edi Ramën si kryesues i OSBE pasi sipas tij kryeministri shqiptar ka qasje kontruktive për të krijuar kushtet për dialog. Ndërkohë për dialogun Kosovë-Serbi përsëriti atë që kishte deklaruar Presidenti ti Rusisë, se mbështet çdo zgjidhje të pranueshme nga Serbia.

Në takim me Edi Ramën, ndërsa u fol për konfliktin me Ukrainën, Lavrov tha se në OSBE ka fituar retorika sulmuese për të nxehur polemikat në vend dhe për të mos gjetur një zgjidhje pasi edhe situata globale është komplekse dhe ka ndikimin e vet në OSBE.

”Jemi të lumtur që ju urojmë mirëseradhjen në kryeqytetin rus. E vlerësojmë përpjekjen tuaj për tu këshilluar me Federatën ruse duke ditur që kryesoni organizatën. Dihet që situata globale është mjaft komplekse dhe kjo ka ndikime në OSBE.

Për fat të keq ajo çfarë ka fituar më shumë në OSBE është retorika sulmuese dhe përpjekjet për të nxehur polemikat në vend për të gjetur një zgjidhje dhe dialog në vend.

Në këtë situatë një person drejtues është i rëndësishëm për të krijuar kushtet konstruktive dhe në fjalët tuaja ju keni treguar këtë qasje dhe ju mbështesim.

Patjetër sot do të kemi shansin të shkëmbejmë axhendën dypalëshe si dhe të diskutojmë,” tha ministri i Jashtëm rus, Sergej Lavrov.

Këto fjalë të ëmbëla të njërit prej antishqiptarëve të mëdhenj në botë erdhi pasi kryesuesi i OSBE, Edi Rama tha se Rusia është një pjesëmarrës kyç në negocimin për paqe në disa konflikte, dhe shpreson se një gjë e tillë do të arrihet edhe në konfliktin e saj me Ukrainën.

Trinditjen për të cilë foli Edi Rama përballë Sergej Lavrovit në Moskë, kur vizitoi zonën e luftës në Donbass, e ku kishte pa njerëz pa dallim kombësie, moshe apo nevoje të luftonin për të mbijetuar nuk është se emocionuan shefin e diplomacisë ruse gjithsesi ai tha:

”Më lini tju them se unë erdha në Moskë 15 vjet pas vizitës sime të parë si kryebashkiak i Tiranës dhe me këtë rast si kryetar i radhës së OSBE dhe do ta nisja duke ju komplimentuar të gjithëve në këtë qytet edhe pse e di që është puna e kryebashkiakut por ndryshimet janë mahnitëse.

Dhe po ju keni të drejtë që po jetojmë në kohë të trazuara dhe është e qartë se siguria në rajonin tonë është mjaft e brishtë. Kërcënimet ndërkombëtare po bëhen shumë komplekse dhe njerëzit po vuajnë dhe natyrisht duke pasur parasysh që njerëzit vuajnë duhet të gjejmë motivimin e mirë të të gjetur dialogun.

Më lejoni të përsëris atë që thashë, si kryetar i OSBE kur OSBE u themelua 45 vjet më parë parimet e saj të integritetit territorial, lirive, të drejtave dhe janë ende aq aktuale.

Duke pasyr parasysh se njerëzit dhe siguria duhet të jenë në vend të parë mund të përpiqemi që mund të bëjmë më shumë. Letë shprësojmë që më e mira nuk ka ardhur ende. Faleminderit për mikëpritjen. E dimë që Rusia është pjesëmarrës kyç në disa formate negocimi për konfliktet. Vij këtu me besimin se ju dhe vendi i mrekullueshëm do të përdorni ndikimin tuaj për të ecur përpara paqes së nevojshme. Ju them se sa u trondita kur vizitova zonën e luftës dhe sa e dhimbshme ishte të shihje njerëz që vuanin pa dallim moshe, nevoje, njerëz nga e gjithë zona që luftonin të mbijetonin. Në emër të këtyre njerëzve ju bëj thirrje të bëjmë më të mirën, ” tha Edi Rama.

Ministri i jashtëm rus, Sergej Lavrov duke konfirmuar në konferencën e përbashkët për shtyp me Edi Ramën në Moskë se pjesë e diskutimeve të tyre ishte dhe Kosova, tha se atë që kishte thënë presidenti i tij Putin, se Rusisë i intereson që të arrihet një marrëveshje Kosovë- Serbi dhe se ajo do të nxisë këtë dialog që të arrihet drejt një përfundimi.

”Folëm edhe për Kosovën, kemi për qëllim të nxisim dialogun që të arrijnë një marrëveshje me Serbinë. Ne do të donim që çështja e Kosovës të zgjidhjet. Palët e interesuara duhet të gjejnë një marrëveshje dhe ne besojmë se një faktor kyç për të ecur përpara është zbatimi i vendimit të krijimit të bashkive serbe kemi dhe angazhime dypalëshe me kryetarët e komisionit për tregëti dhe ekonomi.

Ka hapësirë për bashkëpunim në këtë sferë. Është e kufizuar për shkak të mbështetjes nga Shqipëria të regjimit të sanksioneve nga BE. Kemi për qëllim të bashkëpunojmë me Shqipërinë për atë çfarë janë të gatshëm të bashkëpunojnë ata,” tha Lavrov.

Ndërkohë Kryeministri i Shqipërisë, Edi Rama, tha se Shqipëria ka një qëndrim të qartë, që Serbia duhet të njohë sa më shpjet Kosovën.

“Dua ta përmbyll, duke thënë se është shumë i qartë se cili është pozicioni ynë si Shqipëri, si kryeministër, ne jemi anëtarë krenar të NATO dhe aleatë krenar i BE dhe SHBA. Qëndrojmë plotësisht në përputhje me miqtë tanë të mëdhenj kur bëhet fjalë për çështje, si sanksionet. Dua të them se është shumë e qartë për ne si kryesi e OSBE, ne jemi përpjekur dhe do përpiqemi deri në fund, të mos jemi të përfshirë drejtpërdrejt me çështjen e Kosovës, dhe ne këtë pikë nuk do të kemi asnjë ndikim. Pozita jonë është e qartë se sa më shpejt Serbia të njohë Kosovën aq më mirë do të jetë për të gjithë, dhe aq më shumë për Serbinë.”