Tregon si ta përballojmë situatën me koronavirus, Edi Rama: Karantina do të jetë në…
Nuk ka më dilema! Shtëpia e pushimit e ministrisë së Mbrojtjes në Durrës do kthehet në karantinë. Këtë lajm e dha kryeministri Edi Rama sot në Komitetin Kombëtar të Sigurisë ku tha se me Organizatën Botërore të Shëndetësisë është siguruar që ajo i plotëson kushtet për të qenë karantinë për situatën në rast se koronavirusi përhapet edhe në vendin tonë.
“Është për të ardhur keq që ndërkohë që bëhet politik e ka debat, askund tjetër nuk ndodh që palë të caktuara politike e individë me mandat politik të bëjnë ato që kanë bërë gjatë këtyre ditëve duke u përpjekur për të përhapur panik e për të dezinformuar. Askund nuk bëhet që karantinat të ndërtohen në male apo pyje, apo larg zonave të banuara, kjo është një shpikje në vazhdën e ushqyerjes së infodemisë.
Në rastin e parë të vendosjes së karantinës ne kemi përcaktuar shtëpinë e pushimit të Ministrisë së Mbrojtjes në zonën e Durrësit ku me OBSH është konstatuar se i përmbush standardet,” tha Edi Rama dhe duke iu referuar lajmeve që qarkullojnë në Shqipëri, tha se sipas OBSH, ashtu si në gjithë botën, edhe vendin tonë e ka prekur infodemia.
“Është një situatë që ka zënë në befasi gjithë botën, një virus përhapja e të cilit për fat të keq dhe kjo është e pashmangshme dhe problematike po shoqërohet me atë që OBSH e quan infodeminë, lajmet e pakonfirmuara, të rreme, që marrin dhen dhe influencojnë mbi qëndrimin dhe sjelljen e konsumatorëve të lajmeve,” u shpreh kryeministri Edi Rama në Komitetin Kombëtar të Sigurisë duke dhënë dhe recetën se si përballojmë këtë situatë:
“Ju sugjeroj të mbyllni televizorët, të fikni telefonat dhe ti drejtoheni mesazheve të Papa Françeskut apo Kuranit e Biblës se sa të humbisni kohë me lloj- lloj marrëzish e poshtërsish që njerëz me ligësi shpirtërore shpërndajnë duke bërë atë që është çnjerëzore dhe nga pikëpamja profesionale e padobishme.
Por siç ndodh shpesh tek ne, situata është shfaqur në më shumë se sa një formë, rendja e ethshme për më shumë informacion përmes klikimeve që sjell shumëfishim të titujve që përmbajnë fjalën koronavirus apo viktimë, por nga ana tjetër një karakteristikë jo fort e përhapur është përpjekja individuale apo e grupeve të caktuara për të shfrytëzuar frikën, për të nxitur panikun, për të prodhuar alarme të vazhdueshme për interesa mizerabël politike e mediatike,” tha Edi Rama duke harruar se partia që ai drejton vetëm politikë nuk bënë dhe vetëm me propagandë dhe klikime ka rilindur partinë që e trashëgoi nga Fatos Nano.
