Derbi me kryevepër bardheblu, Tirana shpartallon Partizanin 5:1

Derbi i çmendur. Tirana ka shpartalluar kampionët në fuqi, Partizanin me rezultatin 5:1. Një triumf madhështor për skuadrën e Emanuel Egbosë.

Dopietat e Bathës dhe Muçit si dhe goli i autogoli i Idrizajt, i siguruan këtë fitore madhështore 24 herë kampionëve të vendit, ndërkohë që për të kuqtë e Adolfo Sormanit, braziliani Melo ishte shënuesi i vetëm në minutën e 2-të. Me triumfin e sotëm, bardheblutë e kanë thelluar diferencën në +9 nga kampionët në fuqi. Tirana ka 47 pikë ndërsa Kukësi me një ndeshje më pak qëndron në vendin e dytë me 42 pikë. Partizani me 38 pikë në vendin e tretë i kërcënuar nga Teuta dhe Laçi që e ndjekin me nga 35 pikë.

FT: TIRANA-PARTIZANI 5-1

Batha 16′ (p), 19′, Idrizaj 63′ (autogol), Muçi 82′, 90+1′ / Melo 2′ 

FORMACIONET ZYRTARE:

TIRANA: Lika, Hoxhallari, Doka, Muça, Vangjeli, Celhaka, Batha, Torasa, Kale, Kobina, Ngo.

PARTIZANI: Hoxha, Belica, Bitri, Idrizaj, Hakaj, Telushi, Broja, Melo, Bardhi, Çinari, Braun.

Gjyqtar: Juxhin Xhaja