Rindërtimi, Ambasadorja e SHBA garanton: Nga donacionet do të përfitojnë qytetarët shqiptarë!

Ambasadorja e SHBA në Shqipëri, Yuri Kim, duke folur sot në takimin e Komitetit Shtetëror të Rindërtimit nën drejtimin e Kryeministrit Edi Rama, ka garantuar mbështetjen e Shteteve të Bashkuara për transparencën e donacioneve të dhëna për rimëkëmbjen pas tërmetit tragjik të 26 nëntorit.

“SHBA janë të lumtur që jemi pjesë e donatorëve. Donacionet e dhëna janë shprehje të solidaritetit me popullin shqiptar, por përbëjnë edhe një investim simbolik e real për Shqipërinë, kështu që është kënaqësi për ne që shohim që po organizoheni për atë që duhet të jetë proces transparent,” tha Ambasadorja Yuri Kim duke garantuar se SHBA do të vazhdojë të jetë krah Shqipërisë duke ofruar ndihmën teknike në mënyrë që nga donacionet të përfitojnë të qytetarëve shqiptarë

“Për ne si SHBA është hera e parë që ju kemi qëndruar pranë në një moment të tillë të vështirë, por do të vazhdojmë të jemi krah jush të ofrojmë ndihmën teknike që mund tu nevojitet për tu siguruar që donacionet nga gjithë bota, por edhe tonat, të shpenzohen në mënyrën e duhur në përfitim të qytetarëve shqiptarë”.