Pas 2 Marsit/ Ilir Meta sot mburret me Postribën, dje nderoi vrasësit e tyre “Nderi Kombit”

Pas protestës së 2 Marsit, Presidenti i Republikës, Ilir Meta vazhdoi me abuzimin ndonëse sot kaloi ylberin pas vizitës në Shkodër, duke vizituar edhe Postribën, aty ku kriminelët komunistë kryen masakrën më të tmerrshme dhe ditë më parë u nderuan nga po ky President, “Nderi Kombit”.

“Mirënjohje z.Smajl, Postribës, Shkodrës dhe mbarë shqiptarëve, të cilët nisën PRANVERËN KUQEZI më 2 mars për të mos u ndalur deri në rivendosjen e plotë të rendit kushtetues dhe llogaridhënës,” thekson Ilir Meta duke folur për vizitën në Postribë, shoqëruar me video ndërsa përfundon:

“Pa diskutim, qeveria do të ketë frikë nga POPULLI, dhe jo POPULLI nga qeveria!”

Nuk është e qartë se për çfarë mirënjohje e ka fjalën Ilir Meta kur më 23 Nëntor 2019 ka dekoruar fajtorin kryesor të krimeve komuniste në Shqipëri, Organizatën e Veteranëve të Luftës Antifashiste Nacional Çlirimtare, me Dekoratën e lartë “Nderi i Kombit”, ndërsa populli duhet të ketë frikë vetëm nga një President i tillë, sepse këtë Dekoratë e dha me kërkesën e Kryetarit të Grupit Parlamentar i PS, Taulant Balla, përkatësisht Edi Ramës.

Ja postimi i plotë:

Ishte kënaqësi të vizitoja sot në shtëpinë e tij në Postribë, zotin Smajl Plangaj. Edhe pse po shkon drejt të 90 viteve, ai iu përgjigj thirrjes së Presidentit në 2 mars, për BESËLIDHJEN për Kushtetutën dhe Demokracinë.

“E kam për detyrë ta dua Atdheun, – më tha, “dhe nuk do presim derisa ta shkatërrojnë krejt që të ngrihemi për ta shpëtuar”. Mirënjohje z.Smajl, Postribës, Shkodrës dhe mbarë shqiptarëve, të cilët nisën PRANVERËN KUQEZI më 2 mars për të mos u ndalur deri në rivendosjen e plotë të rendit kushtetues dhe llogaridhënës.

Pa diskutim, qeveria do të ketë frikë nga POPULLI, dhe jo POPULLI nga qeveria!