Pas takimit me Metën dhe Ramën, Ambasadorja e SHBA: Lufta fitohet me disiplinë dhe bashkim

Pas takimit me Presidentin Meta dhe Kryeministrin Rama, Ambasadorja e SHBA në Tiranë, Yuri Kim, ndërsa e pranoi se masat e ndërmarra kundër përhapjes së Koronavirusit janë të forta por absolutisht të nevojshme dhe për të fituar një luftë, duhet disiplinë dhe bashkim.

“Kjo është një luftë dhe për të fituar një luftë, duhet disiplinë dhe bashkim. Ne na kërkohet të qëndrojmë në shtëpi për të jetuar prandaj, le ta bëjmë këtë. Të qëndrojmë së bashku, të qëndrojmë të disiplinuar dhe ta fitojmë këtë luftë,” tha Yuri Kim përmes një videomesazhi në rrjetin social Facebook pas takimit me krerët e shtetit shqiptar.

“Sot bisedova m e Presidentin Meta dhe Kryeministrin Rama, për të shprehur vlerësimin për udhëheqësin e tyre të unifikuar, në luftën kundër koronavirusit në Shqipëri.

U shpreha gjithashtu edhe mbështetjen e fortë për masat që ata kanë marrë në këtë betejë. Ato janë të forta, por absolutisht të nevojshme. Ashtu si kanë thënë Presidenti Trump dhe kryeministri Rama, kjo është një luftë dhe për të fituar një luftë, duhet disiplinë dhe bashkim. Prindërit dhe gjyshërit tanë u thirrën për të dhënë jetën ën vijën e zjarrit.

Ne na kërkohet të qëndrojmë në shtëpi për të jetuar prandaj, le ta bëjmë këtë. Të qëndrojmë së bashku, të qëndrojmë të disiplinuar dhe ta fitojmë këtë luftë.”