Dyshohet se Rusia qëllimisht fshehu fillimin e Pandemisë COVID-19
Dyshohet se Rusia qëllimisht e kishte fshehur fillimin e Pandemisë COVID19 në territorin e saj. Si duket Rusia është duke vazhduar politikat e Ish-Bashkimit Sovjetik, ku qytetaret e saj janë thjeshtë numra dhe për qëllime të propagandës është në gjendje ti dezinformoj si qytetaret e saj ashtu edhe opinionin botërorë.
Për lexuesit është ende i freskët 26 Prill 1986,ditë kur kishte shpërthyer reaktori bërthamorë i Centralit Atomik të Çernobilit. Autoritetet e BRSS nuk kishin raportuar për shpërthimin duke rrezikuar banoret e vet dhe shtetet fqinje. Raportimi dhe pranimi i shpërthimit kishte ndodhur vetëm pasi shtetet evropiane, fqinje të BRSS kishin parë që ka rritje enorme të radioaktivitetit.
Sikur të mos mjaftoj historia e Çernobilit, në gusht të vitin të kaluar në Rusi, afër qytetin të Sverodvinski kishte ndodhur një shpërthim gjatë testimit të një rakete bërthamore. Edhe pse instrumentet e matjes së radioaktivitetit tregonin rritje të pranisë së radioaktivitetit si brenda territorit të Rusisë ashtu edhe jashtë saj, Qeveria Ruse nuk e pranoj që ka pasur ndonjë avari bërthamore.
Këta dy shembuj tregojnë më së miri që Rusia nuk është e shqetësuar për gjendjen shëndetësore të banorëve të sajë, andaj edhe lajmet që Rusia kishte fshehur për mesë dy javë fillimin e pandemisë së koronavirusit janë shumë lehtë të besueshme.
Ka zëra që para rreth dy javëve në Ufa, kryeqendrën e rajonit të Bashkortostan, rajon rreth 1200 kilometra në lindje të Moskës, kishin filluar të paraqiten rastet e para me pacient që kishin simptoma të koronavirusit. Këtë për RFE e konfirmon Dr. Rimma Kamalova, një nga drejtueset e Qendrës Klinike Spitalore të Kuvatov. Ajo thotë që gjatë atyre ditëve në klinik vinin shumë pacient të cilët kishin simptomat e koronavirusit, por asnjërit nga ta nuk i ishte bërë testi për COVID19.
Se diçka e dyshimt është duke ndodhur në Bashkortostan e kishte konfirmuar edhe kreu i Bashkortostan, Rady Khabirov, i cili në rrjetin social rus VK, kishte njoftuar se me datë 7 Prill në këtë regjion rus ishte shënuar edhe viktima e parë e koronavirusit. Pas këtij njoftimi organet shëndetësore ruse e kishin vënë spitalin në karantinë. Në karantinë ishin vendosur rreth 500 personel mjekësorë dhe rreth 600 pacientë.
Deri sa në raportin zyrtarë për rastet e koronavirusit në Rusi të datës 8 Prill, thuhet se në Bashkortostan janë 16 të infektuar dhe asnjë i vdekur krejt tjetër thotë, Dr. Kamalova. Ajo gjatë një interviste me 8 Prill, kishte njoftuar se deri me tani 60 pacient në spitalin e Bashkortostan kanë rezultuar pozitiv dhe testet janë duke ju bërë edhe pacientëve tjerë dhe personelit mjekësorë.
Nëse bazohemi në deklaratat e Dr. Kamalova dhe kryetarit të Bashkortostan shohim që ka mos përputhje me raportimin e rasteve te të prekurve nga COVID19, kjo ngrehë dyshimet se Moska zyrtare qëllimisht i kishte fshehur shifrat, arsyeja pse nuk dihet por besohet se gjithë kjo bëhet për qëllime propagandistike karshi SHBA dhe shteteve perëndimore.
