Maqedoni e Veriut, edhe 26 raste, 1.326 të prekur me koronavirus

Gjatë 24 orëve të fundit në Maqedoninë e Veriut janë regjistruar edhe 26 persona të infektuar me koronavirus nga 408 teste të kryera, me çka numri i përgjithshëm i të infektuarve arrin në 1.326.

Ministrisa e Shëndetësisë ka bërë të ditur se është regjistruar edhe një viktimë nga koronavirusi. Bëhet fjalë për një 80-vjeçar, i cili është pranuar në Klinikën infektive në Shkup më 21 prill.

Me këtë viktimë, numri i përgjthshëm i tyre në Maqedoninë e Veriut arrin në 57. Shumica e tyre janë regjistruar në Shkup, Kumanovë dhe Strugë.

Ndërkohë numri i personave të shëruar gjatë orëve të fundit është 36 – shifër kjo më e lartë se numri i të infektuarve e që, sipas Ministrisë së Shëndetësisë, flet për dobësimin e virusit.

Deri më tani, në Maqedoninë e Veriut janë të shëruar 337 persona, ndërsa te 932 vetë sëmundja është ende aktive.